Yokana 14:17 - Baibuli I Leb Kumam 2013

¹⁷ En ebedo Tipo me ateni, kame jo me piny ni likame twero udo, pien likame kitwero nene arabo ngene. Do wun ingeunu en, piento en etie i diere wu.

Yokana 14:17 Iomraidhean Croise

Agole 14:10

Dano acelacel ngeo wangcuny amoto yomcuny kame etie kede, likame dano apat twero nywako kede.

Isaya 57:15

“Ango en Rubanga kame tie malo, Rubanga kacil, ngat kame bedo nakanaka. Ango abedo kakame tie malo, kabedo kacil, doko abedo da kede jo kame mwolere di kiswilaro, tetekeny adwok cuny gi kede gen gi.

Isaya 59:21

Isikan kame ango atimo kede wu ine: twer na kame amio wu, kede kop na kame atieko keto i dog wu, likame bino yai tenge kibut wu arabo kibut idwe wu amoto ikwae wu cako nataman tuno ikar kede ikar.”

Esekeri 36:27

Ango abino keto tipo na i kuo wu di ako mino wu ilubunu iswilia na di ikounu gwoko cik na.

Matayo 10:20

Pien likame wun en kame ibinunu yamo, do Tipo ka Papa en kame bino yamo i dogu.

Yokana 14:16

Ango abino kwano Papa, di en eko mino wu ngakony ace, kame bino bedo kede wu nakanaka.

Yokana 14:23

Yesu oko dwoko ne be, “Jo kame mara bino lubo kop na. Papa na bino maro gi, di ango kede Papa oko bino but gi, di oko bedo kede gi.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:13

Kame Tipo kame nyuto ateni obino, en ebino telo wu i gi dedede me ateni, pien likame ebino yamo kede akarunikin mere kene, do en ebino tuco ne wu kop me anyim.

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

1 Jokorinti 14:15

Nan do atim benyo? Abino lego i tipo na, do abino lego kede tam na da; abino wero wer me pako Rubanga i tipo na, doko abino wer kede tam na da.

1 Jokorinti 2:14

Dano kame li kede Tipo ka Rubanga likame twero udo giamia me Tipo ka Rubanga, pien gin kitie gi me mingo kibute, doko likame etwero niang i kom gi, pien dano kame tie kede Tipo ka Rubanga en kame twero poko bero gi.

1 Jokorinti 3:16

Mam ingeunu be wun en kame tempulo ka Rubanga, bobo da be Tipo ka Rubanga bedo i wun?

1 Jokorinti 6:19

Mam ingeunu be komu obedo tempulo me Tipo Kacil kame tie i komu, Tipo kame Rubanga omio wu? Wun likame megu kenu.

2 Jokorinti 13:5

Ngingicunu kuo wu kenu, di ikounu neno ka pwodi itienu i yei wu. Benyo, likame iromunu niang be Yesu Kirisito tie i kuo wu? Kwanyo do ka amoto ipotunu!

2 Jokorinti 6:16

Winyere nyo kame tie i dierediere me tempulo ka Rubanga kede cal jwogi? Pien wan otienu tempulo ka Rubanga kakuo; bala kame Rubanga owaco kede be, “Ango abino bedo i diere gi di aoto kiye, di ako bino bedo Rubanga gi, di gin kiko bino bedo jo na.”

Jogalatia 4:6

Doko pi wun ibedunu idwe mege, Rubanga otieko cwano Tipo ka Wode i cuny wa, Tipo kame kok but Rubanga be, “Aba! Papa!”

Joepeso 2:22

Wuda i Kirisito kotie gero wu pi doko kakame Rubanga bedo iye i Tipo mere.

Joepeso 3:17

kede be wek Kirisito bed i cunyu pi yei wu. Aso, cungunu kitek di ikounu moko i amara.

Jokolosai 1:27

Rubanga oyei pi mino gi ngeno epone kame abar me deyo me mung noni pire dwong kede i dier jo kalikame Iyudayan. Manoni obedo Kirisito kame tie i wun, en gen me udo deyo.

2 Temeseo 1:14

Gwok jamini kabeco kame kotieko geni kede pi kony me Tipo Kacil kame wan otie kede.

1 Yokana 2:27

Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

1 Yokana 4:4

Idwe na, wun ibedunu me ka Rubanga, doko itiekunu bwono inabin me angalo, pien ngat kame tie i kuo wu tie kede twer adwong kalamo ngat kame tie i piny.

1 Yokana 4:6

Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.

1 Yokana 5:7

Ijurak tie adek kame mio ijura:

Gianyuta 2:17

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame bino lono, ango abino mine emana mogo kame kokano. Abino mine kidi atar, kame kowandiko iye nying kanyen kalikame tie ngatamoro kame ngeo, kwanyo kenekene ngat kame tie game.