Yokana 14:16 - Baibuli I Leb Kumam 2013

¹⁶ Ango abino kwano Papa, di en eko mino wu ngakony ace, kame bino bedo kede wu nakanaka.

Yokana 14:16 Iomraidhean Croise

Matayo 28:20

doko di ipwonyunu gi gwoko gikame aciko ne wu pi lubo. Doko nenunu, ango atie kede wu nakanaka tuno i ajikini me piny.”

Yokana 14:14

Ka ikwaunu gimoro i nyinga, abino timo.

Yokana 14:18

“Ango likame abino weko wu kenu, do abino dwogo butu.

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:22

Aso nan wuda itienu kede cwercuny, do ango abino bobo neno wu di cunyu ko bino doko yom; doko likame tie ngatamoro kame bino kwanyo kilel wu kibutu.

Yokana 17:15

Ango likame akwao be ikwany gi ki piny, do be igwok gi kibut Ngarac.

Yokana 17:20

“Ango likame akwao ne gin kenekene, do akwao da ne jo kame bino yei ango pi kope gin.

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 1:4

I kare kame oudo pwodi etie kede gi karacel, en oudo eciko gi be miero kur kiyai ki Yerusalem, do kidar ki kuno gikame Papa ocikere pi mino. En ewaco ne gi be, “Wun bin iwinyunu kibuta be,

Tice 13:52

Josiao oko bedo kede kilel adwong, doko kiko pong kede Tipo Kacil.

Tice 9:31

Pi mano, ekodet me jokirisito i Yudea, i Galilaya kede i Samaria dedede oko bedo kede mulem, di kiko doko tek. Doko kiko bedo kede wor but Rwot di kiko meede nyai pi kony me Tipo Kacil.

Joroma 14:17

Pien Ajakanut ka Rubanga likame obedo cam kede giamata, do en ebedo poore, kede mulem, kede yomcuny i Tipo Kacil.

Joroma 15:13

Wek Rubanga ngat kame mio gen, pong kuo wu kede yomcuny kede mulem pi yei wu i kome, tetekeny ibedunu kede gen adwong pi twer me Tipo Kacil.

Joroma 5:5

Gen likame ngalo wa, pien kotieko onyo amara ka Rubanga i cuny wa di beo kibut Tipo Kacil kame kotieko mino wa.

Joroma 8:34

Ngai kame bino ngolo kop i wi gi? Kirisito Yesu en kame bino timo, en bin eto, ebo, oko yaruno en kikom jo oto, nan etie i bad tetu cam ka Rubanga, ateteni en kame nan ebako doge pirwa.

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

Jopilipi 2:1

Aso, ka tie supo cuny moro i Kirisito, ka tie kweno cuny moro kame yai ki amara, ka tie nywak moro i Tipo, ka tie cuny me isasir kede me kisa,

2 Jotesalonika 2:16

Wek Rwot wa Yesu Kirisito kikome, kede Rubanga Papa wa, ngat kame omaro wa di eko mino wa kweicuny kame bedo nakanaka kede gen aber pi kisa mere,

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

1 Yokana 2:27

Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.

2 Yokana 1:2

pien wan otie kede ateni i cuny wa, doko da ebino bedo kede wa nakanaka.