Yokana 13:8 - Baibuli I Leb Kumam 2013

⁸ Petero oko dwoko ne Yesu be, “In likame iyaro lwoko tiena akadi acel.” Yesu oko dwoko ne be, “Ka likame alwoko tieni, likame bobo abino nywako kedi.”

Yokana 13:8 Iomraidhean Croise

Ageini 42:38

Do Yakobo oko waco be, “Likame woda bino ot kede wu, pien omin mere otieko to, nan en edong kene. Ka gimoro arac otimere ne i yongayo, ango atieko ti, ibinunu mino par neka.”

2 Samuel 20:1

I kanono oudo tie iye icuo moro kame ekite mege reco, kame nyinge Seba, wot ka Bikiri, en dano me ekeko ka Benjamin. En eko kuto agwara di ewaco be, “Wan oliunu kede iner moro i kom Daudi, oliunu kede gimoro amako wa kibut wot ka Yese, ngat acelacel doki i eema mere, wun jo me Isirael!”

1 Abakai 12:16

Kakame jo dedede me Isirael oneno kede be abaka odagi winyo kwac gi, gin kiko dwoko ne abaka be, “Wan oli kede iner moro i ot ka Daudi; likame tie gimoro kame wan otwero lunyo amakere kede wot ka Yese. Jo me Isirael, odokunu i miere wa! Rekoboam do pug jo mege me ot ka Daudi.” Aso, jo me Isirael oko dok i iemai gi.

Sabuli 51:2

Lwoka kiber ki gikareco na, iko lonya ki dub na.

Sabuli 51:7

Lonya ki dub na di ako doko cil, lwoka di ako bedo tar kalamo akako.

Isaya 4:4

Rwot bino ngolo kop di eko lonyo ateker me Isirael, di eko lwoko tenge raco me Yerusalem kede remo kame koonyo kunono.

Esekeri 36:25

Abino kikiro pii acil i komu di ako bino lonyo wu ki pwokere wu kede ki caljwogi wu.

Sakaria 13:1

“I kare nono kobino yabo atan me lonyo ikwae ka Daudi kede jo me Yerusalem ki dub kede ki pwokere.

Matayo 16:22

Di Petero oko kwanye otere tenge di oko donyo bunano en di ewaco be, “Rubanga geng gini, Rwot! Gini likame miero timere ne in.”

Matayo 21:29

Do en eko dwoko be, ‘Ango likame ayaro ot’; do i cen mere en eko loko tam mere di eko ot.

Matayo 26:33

Petero oko waco ne be, “Akadi bed bala jogi dedede weki, do ango likame abino weki.”

Matayo 26:35

Petero oko dwoko ne Yesu be, “Ango likame ayaro weki, akadi di komito neka kedi.” Josiao apat da dedede oko waco kop acel nono.

Yokana 13:6

En eko tuno but Simoni Petero; Petero oko penye be, “Rwot, in kom iyaro lwoko tiena?”

Yokana 13:9

Simoni Petero di do oko dwoko be, “Rwot kur ilwok tiena kenekene, lwok do cinga kiton wia da!”

Yokana 3:5

Yesu oko dwoko be, “Ateteni, ateteni awaco ni be, likame tie ngat kame twero donyo i Ajakanut ka Rubanga kwanyo di konywale nywal me pii kede me Tipo Kacil.

Tice 22:16

Nan do itie daro nyo? Yai batiso in, di ilwongo nying Rwot me wek lwok dub ni.’

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

Joepeso 5:26

En etimo man tetekeny emie edok gikacil pi kop mere, ingei lwoke i pii kame lonye,

Iswilia 12:12

Di ikounu kilel i nyim Rwot Rubanga wu, wun karacel kede idwe wu awobe kede anyira wu, ipasoi kede apasoi wu, kede Jolebi kame bedo i bomban wu; pien Jolebi likame kobino poko negi lobo kame mako gin.

Jokolosai 2:18

Kur imiunu ngatamoro ngol kop loi wu, di ecerededo imwolere me ecuke kede woro imalaikan, di ecungo i gianyuta ka Rubanga. Akodi ngat nono wakere pi tam mere me dano adana abongo tien kop moro.

Jokolosai 2:23

Ateteni magi neeno bala gi me rieko pi mino wu dire woro imalaikan tetek i mit wu kenu, pi mino wu cuko mwolere kede tidilo komu kenu, do gin likame kikonyo pi gengo mit me kom.

Tito 3:5

en eko lako wa, likame pi tice kame wan otimo be pien wan opoore, do pi kisa mere. En etimo manoni i Tipo Kacil, ngat kame mio wa nywal me pii, en nywal me are, di okounu doko jo anyen.

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.