Yokana 13:34 - Baibuli I Leb Kumam 2013

³⁴ Ango nan amio wu cik anyen be, marerenu kenu kenu; bala kite kame ango amaro wu kede, wuda poore imarerenu kenu kenu.

Yokana 13:34 Iomraidhean Croise

Sabuli 119:63

Ango abedo ngaupa me jo dedede kame lwori, ngaupa me jo agwoko cik nin.

Sabuli 16:3

Do jokacil kame tie i lobo nono, gin en jo me awora. Cuny ango yom i kom gin adikinicel.

Jolebi 19:18

Likame ibinunu timo onyanga arabo mako ading kede dano wu moro, do ibinunu maro dano wadu bala kame imarerenu kede kenu. Ango en Rwot.

Jolebi 19:34

Ibinunu tero gi bala jo wadu me Isirael. Ibinunu maro gi bala kame imarerenu kede kenu kenu, pien wuda oudo ibedunu jokumbor i lobo me Misiri. Ango en Rwot Rubanga wu.

Matayo 5:44

Do ango awaco ne wu be, marunu jo kame dingere kede wu, doko da ikounu lego ne jo kame tidilo wu,

Yokana 15:17

Gikame ango aciko wu iye en ine be, marerenu kenu kenu.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Joroma 12:10

Marerenu kenu kenu, ikounu woro jo icegun kalamo.

Joroma 13:10

Amara likame timo ne dano wadu raco; pi mano, amara en kame cobo Iswil kakare.

Joroma 13:8

Kur ibedunu kede banya ka ngatamoro, do kenekene marerenu kenu kenu, pien ngat kame maro dano ocelu udo ecobo iswil kakare.

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

Jogalatia 5:6

Pien i Kirisito Yesu, akepo arabo bedo abongo akepo likame timo gimoro, do gikame pire tek en yei kame tio di ebeo i amara.

Jogalatia 6:10

Aso, tek ka otienu kede kare, otimunu gikaber ne jo dedede, twatwal mere ne jo kame tie i ekodet me jo koyei Kirisito.

Jogalatia 6:2

Konyerenu kenu kenu, pien iepone noni udo icobunu gikame iswil ka Kirisito mito.

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.

Jokolosai 1:4

Pien wan otieko winyo kop i kom yei kame itienu kede i Kirisito Yesu, kede amara kame itienu kede but jokacil dedede,

1 Jotesalonika 3:12

Doko akwao Rwot mi amara wu meede i diere wu kenu kenu, kede but jo dedede, bala kame wan omaro wu kede.

2 Jotesalonika 1:3

Imiegu kede amiegu na, wan miero opwoi Rubanga nakanaka piru bala kame poore, pien yei wu tie dongo, doko amara kame ngat acelacel kibutu tie kede pi jo icegun da tie meede.

Iburanian 13:1

Meedenu bedo kede amara kenu kenu.

Yakobo 2:8

Ka ilubunu iswilia me Ajakanut ka Rubanga kame kowandiko i iwandik kacil be, “Mar ngakio ni bala kame imarere kede keni”, udo itimunu gikaber.

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

2 Petero 1:7

ikounu medo amara pi imiegu kede amiegu i kom cuny me woro Rubanga, kede ikounu medo amara pi jo dedede i kom amara me imiegu kede amiegu.

1 Yokana 3:11

Pien kop kame wun iwinyunu cako ki agege en ine be, opoorenu marere wan kenwa kenwa.

1 Yokana 3:23

Cik mere en ine be, wan poore oyeunu nying Wode Yesu Kirisito di okounu marere wan kenwa kenwa, bala kame en eciko wa kede.

1 Yokana 4:21

Cik kame Kirisito omio wa en ine be: jo kame maro Rubanga miero mar imiegu kede amiegu gi da.

2 Yokana 1:5

In dako kame koyero, ango nan atie kwani, likame etie bala ango atie wandiko ni cik anyen, do en etie cik kame wan oudo obedunu tie kede cako i agege, en ine be, omarerenu kenwa kenwa.