Yokana 13:31 - Baibuli I Leb Kumam 2013

³¹ Di do Yuda otieko yai ooto, Yesu oko waco be, “Nan do kotieko mino Wot ka dano deyo, doko kotieko mino Rubanga deyo pi en.

Yokana 13:31 Iomraidhean Croise

Matayo 8:20

Yesu oko waco ne be, “Ekwee tie kede bur me buto, kede winy da tie kede ude gi, do Wot ka dano likame tie kede kakame epielo iye wie.”

Luka 12:50

Ango atie kede batisimu kame kopoore batiso ango kede, do cunya li kede anapakin tuno kede di etieko cobere!

Yokana 11:4

Do kakame Yesu owinyo kede kop noni, en eko waco be, “Tuwo no likame obino pi neko Lasaro, do pi kelo deyo kakame Rubanga tie iye, tetekeny mi deyo but Wot ka Rubanga pire.”

Yokana 12:23

Yesu oko dwoko negi be, “Esawa do nan otieko tuno kame koyaro mino kede deyo i kom Wot ka dano.

Yokana 12:28

Papa, mi deyo bed i nyingi.” Dwan oko winyere di waco ki malo be, “Ango atieko mine deyo, doko abino medo timo kamanono.”

Yokana 14:13

Gimoroni kame ibinunu kwano i nyinga, ango abino timo tetekeny jo mi Papa deyo pi Wode.

Yokana 16:14

En ebino mina deyo, pien ebino kwanyo kop na di eko waco ne wu.

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 2:36

“Pi mano, jo dedede me Isirael poore ngei ateteni be, Yesu noni, kame wun bin igurunu i musalaba, Rubanga otieko mine edoko Rwot kede Kirisito.”

Tice 3:13

Rubanga ka Aburaam, Rubanga ka Isaka, Rubanga ka Yakobo kede Rubanga me joakwari wa bin otieko mino deyo but ngatic mere Yesu, kame wun ikounu mino i cing wegi apugan. Doko ikounu dage i nyim Pilato, do di oudo Pilato mito gonye.

2 Jokorinti 3:18

Doko wanunu dedede kame kotieko kwanyo gikame galao nyim wa, wan jo kame onyutunu deyo ka Rwot, kotie loko wa i cal mere yai ki deyo tuno i deyo kame meede ameda, man Rwot kame obedo Tipo en kame timo.

Joepeso 1:12

tetekeny wanunu jo me agege me bedo kede gen i Kirisito, wek opakunu deyo ka Rubanga.

Joepeso 2:7

tetekeny i kare kame bino bino, en enyut ne wa abar kalikame wacere me kisa mere pi bero kame enyuto ne wa i Kirisito Yesu.

Joepeso 3:10

Etimere kaman tetekeny ekodet me jokirisito nyut epone atot apapat me rieko ka Rubanga ne tipere kame pugo i wi yamo, kede ne akarunikin kame tie i kabedere me i malo.

Jopilipi 2:11

kede leb jo dedede tuco be Yesu Kirisito en Rwot, pi mino Rubanga Papa deyo.

1 Petero 1:21

En emio wu idokunu jo kame geno Rubanga, ngat koyaruno en kikom jo oto, di oko mine deyo tetekeny wun ibedunu kede yei kede gen i kom Rubanga.

1 Petero 2:12

Bedunu kede iponeso abeco i dier jo kalikame Iyudayan, tetekeny bed bala gin kiwaco kop moro i komu be wun jo kame timo tim areco, wek kikaruno neno tice wu kabeco di kiko mino Rubanga deyo i Ceng me bino mere pi ngolo kop.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.