Yokana 13:3 - Baibuli I Leb Kumam 2013

³ Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 13:3 Iomraidhean Croise

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 28:18

Yesu oko ot but gi di en eko waco ne gi be, “Kotieko mina akarunikin dedede me i malo kede me lobo.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 3:13

Likame tie ngatamoro kotieko ot malo, kwanyo kenekene ngat koyai ki malo bino piny, en Wot ka dano.

Yokana 3:35

Papa maro Wod, doko etieko mino jame dedede i cinge.

Yokana 7:29

Ango angee, pien awok kibute, doko en kame eora.”

Yokana 7:33

Yesu oko waco be, “Abino medo bedo kede wu pi kare moro acecek, di do ako ot but ngat kame oora.

Yokana 8:14

Yesu oko dwoko be, “Akadi bed bala ango ajurere kena, do ijura na tie kop me ateni, pien ango angeo kakame ango awok kiye kede kakame atie ot iye. Do wun likame ingeunu kakame ango awok kiye arabo kakame atie ot iye.

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Tice 2:36

“Pi mano, jo dedede me Isirael poore ngei ateteni be, Yesu noni, kame wun bin igurunu i musalaba, Rubanga otieko mine edoko Rwot kede Kirisito.”

1 Jokorinti 15:27

Pien kowandiko be, “Rubanga oketo gi dedede i loc mere.” Do kop kame waco be, “koketo gi dedede i loc mere,” neeno kakaler be mane likame ribo kiton ngat kame keto gi dedede i loc mere.

Iburanian 1:2

Do i kare kanataman me ajikini, en eko yamo kede wa kibut Wode, ngat kame en eyero pi jame dedede doko mege, doko en nono da kame bin Rubanga ocweo gi dedede di beo kibute.