Yokana 13:23 - Baibuli I Leb Kumam 2013

²³ Ngat acel kikom josiao, kame Yesu oudo bin singo maro, oudo tie gongere di iyapiyapi kede kor Yesu;

Yokana 13:23 Iomraidhean Croise

2 Samuel 12:3

do icuo kame oudo obedo ngacan ca oudo li kede gimoro kwanyo kenekene akaale me oromo acel atitidi, kame oudo ewilo awila. En oudo ewile di eko dongo i cinge karacel kede idwe mege; oudo en epite kede cam mere atitidi nono, doko oudo emie emato pii i ikopo mere, di etinge i tiene. Akaale me oromo nono oudo cal ne do bala nyare.

1 Abakai 4:5

Asaria wot ka Natan en oudo obedo ngatel me jodongo me apugan; Sabud wot ka Natan en oudo obedo ngasaseredoti, doko en oudo ngawot abaka;

Luka 16:22

“Ngacan nono oko to di imalaikan oko tere okete i kor Aburaam. Ngabar nono da bin oko to, di oko yike.

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 11:3

Amiegu nogo oko cwano kop but Yesu di kiwaco ne be, “Rwot, ngawoti kame imaro tuwo twatwal.”

Yokana 11:36

Di Iyudayan oko waco be, “Nenunu kite kame oudo emaro kede Lasaro.”

Yokana 11:5

Yesu oudo maro Marita kede amin mere Maria karacel kede Lasaro.

Yokana 13:24

Simoni Petero oko gwete di oko waco ne be, “Penye ber ngat kame en etie waco.”

Yokana 13:25

Di pwodi egongo wie i kor Yesu kamanono, en eko penyo Yesu be, “Rwot ngai inonono?”

Yokana 19:26

Kakame Yesu oneno kede toto mere karacel kede ngasiao kame bin en emaro nono di kitie cungo i ngete, en eko waco ne toto mere be, “Neni, wodi ino!”

Yokana 20:2

Di do en eko ringo eoto but Simoni Petero gini kede ngasiao ocelu kame bin Yesu maro nono, di eko waco ne gi be, “Kikwanyo kom Rwot tenge ki ates, likame ongeo kakame kikete iye.”

Yokana 21:20

Petero oko lokere di eko neno ngasiao kame Yesu oudo maro nono di tie lubo gi, en ngat kame oudo ogongere di iyapiyapi kede kor Yesu i kacam me otieno, en ngat kame oko penyo Yesu be, “Rwot, ngai inonono kame bino rupao in?”

Yokana 21:24

Ngasiao noni en kame nan tie mino ijura i kom gi nogi, doko en kame ewandiko gi nogi. Wan ongeo be ijura kame emio tie me ateni.

Yokana 21:7

Ngasiao kame Yesu maro nono oko waco ne Petero be, “Rwot kom inonono!” Kakame Simoni Petero owinyo kede be Rwot inonono, en eko ngapo igoen mege pien oudo egonyo gi pi tic, di eko somo edonyo i yi pii.