Yokana 13:21 - Baibuli I Leb Kumam 2013

²¹ Kakame Yesu otieko waco kede kop noni, cunye oko winyo lito adikinicel, di eko waco kakaler be, “Ateteni awaco ne wu be, ngat acel kikom wu bino rupao ango.”

Yokana 13:21 Iomraidhean Croise

Matayo 26:21

Esawa kame oudo kitie kede cam, Yesu oko waco ne gi be, “Ateteni awaco ne wu be, ngat acel kikom wu bino rupao ango.”

Matayo 26:38

En eko waco ne gi be, “Par atek tie i cunya, kame romo neka, wun ber dongunu kan, do ikounu bedo di ikiunu piny karacel keda.”

Marako 14:18

Kakame kitie do kede cam, Yesu oko waco ne gi be, “Ateteni awaco ne wu be, ngat acel kikom wu bino rupao ango, ngat nono nan tie cam keda karacel.”

Marako 3:5

Yesu oko ngoloro gi kede wangcuny, di eko bedo kede cwercuny pi tek wi gi. En eko waco ne icuo nono be, “Riei badi!” Lonono oko rieno bade, di bade oko doko ber bobo.

Yokana 11:33

Kakame Yesu onene kede di etie koko, karacel kede Iyudayan kame bin en eupere kede da di tie koko, apil oko make, cunye oko dubere adikinicel.

Yokana 11:35

Yesu oko kok.

Yokana 11:38

Cwercuny atek bobo oko mako Yesu, di eko ot i ates kame oudo tie i abo kame koumo doge kede kidi ati.

Yokana 12:27

“Nan cunya tie kede peko. Nan do awac benyo? Benyo, awac be, ‘Papa, laka ki esawa me can noni?’ Li, pien kop noni en komio ango atuno iesawa ni.

Yokana 13:18

“Ango likame atie waco wun dedede; ango angeo jo na kame ayero. Do iwandik kacil miero cobere kakare be, ‘Ngat kame onywako keda cam en kame bobo oloko ebela i wia.’

Yokana 13:2

Yesu kede josiao mege oudo tie camo cam me otieno. Sitani oudo otieko mino Yuda Isikariot wot ka Simoni tam me rupao en.

Yokana 13:22

Josiao oko donyo ngire ken gi ken gi di likame kiniang ngat kame en oudo etie waco.

Tice 17:16

Kakame Paulo oudo tie kuro kede Sila kede Temeseo i Asene, cunye oko dubere pi neno be cal jwogi oudo opong i bomba nono.

1 Yokana 2:19

Jo nogo oyai tenge kibut wan, oudo likame gin kibedo jo wa; pien ka koto oudo gin kibedo jo wa, koto oudo kidong but wa. Do yai gi onyuto kakaler be likame tie ngatamoro kikom gi kame obedo dano wa.