Yokana 13:20 - Baibuli I Leb Kumam 2013

²⁰ Ateteni, ateteni awaco ne wu be, ngat kame gamo dano kame ango aoro, udo egama; doko ngat kame gama udo egamo ngat kame oora.”

Yokana 13:20 Iomraidhean Croise

Matayo 25:40

Di Abaka ko bino dwoko ne gi be, ‘Ateteni awaco ne wu be, bala kite kame bin itimunu kede kamanoni ne ngat acel kalikame pire dwong kikom imiegu kede amiegu na gi, udo bin itimunu nango.’

Marako 9:37

“Ngat kame gamo atin atitidi bala man i nyinga, udo egama, doko ngat kame gama, udo likame egamango, do udo egamo ngat kame oora.”

Luka 10:16

Yesu oko waco ne joor mege be, “Ngat kame yei winyo kop wu, udo ewinyo kop nango, doko ngat kame dagi wu, udo edagi ango, kede ngat kame dagi ango, udo en edagi ngat kame oora.”

Luka 9:48

En eko waco ne gi be, “Ngat kame gamo atin atitidi kaman i nyinga, udo en egama; doko ngat kame gama, udo egamo ngat kame oora, pien ngat kalikame pire tek i diere wun dedede en kame pire dwong kalamo.”

Jogalatia 4:14

Doko bed bala aramo na oudo obedo atama butu, likame ibedunu kede acae buta arabo idaganu, do igamanu bala malaika ka Rubanga, bala kite kame oudo koto igamunu kede Kirisito Yesu.

Jokolosai 2:6

Pi mano, bala kite kame igamunu kede Rwot Kirisito Yesu, aso bedunu i en.

1 Jotesalonika 4:8

Pi mano, ngat kame dagi kop noni udo likame edagi akarunikin me dano, do udo edagi Rubanga ngat kame mio Tipo Kacil mere butu.