Yokana 13:2 - Baibuli I Leb Kumam 2013

² Yesu kede josiao mege oudo tie camo cam me otieno. Sitani oudo otieko mino Yuda Isikariot wot ka Simoni tam me rupao en.

Yokana 13:2 Iomraidhean Croise

Esera 7:27

Esera oko waco be, “Pak bed but Rwot, en Rubanga ka joakwari wa. En emio abaka obedo kede cuny kacal kaman me mino tempulo katie Yerusalem dwongo.

Nekemia 2:12

ango likame ako waco ne ngatamoro gikame Rubanga oudo ocibo i cunya pi timo ne Yerusalem. Di do i dier iwor ango ako yai di ako donyo ooko di ako tero cuo mogo oupere keda. Le kame ango ako tero oudo obedo punda acel kenekene kame oudo ango atie wanano.

Matayo 10:4

Simoni me Kanan kede Yuda Isikariot, ngat kame bin orupao Yesu.

Luka 22:3

Di Sitani oko donyo i cuny Yuda, kame bin kolwongo be Isikariot, kame oudo obedo ngat acel kikom josiao tomon kiwie are.

Luka 22:31

Di Yesu oko waco be, “Simoni, Simoni, neningo, Sitani otieko udo twer kibut Rubanga me tamo wun dedede, me wek eyek wu bala kame koyeko kede kal ki kom cucung.

Yokana 13:11

Yesu oudo ngeo ngat koyaro bino rupao en; kop no en komio ewaco be, “Likame wun dedede icilunu.”

Yokana 13:4

En eko yai malo i kacam, eko gonyo igoen mege kame oudo edoko, di eko tweno taulo i piere.

Tice 5:3

Do Petero oko penye be, “Anania, pinyo komio iyei ne Sitani odonyo i cunyi pi mini ngalo Tipo Kacil, di iko kano dul me sente kame in oudo icato kede lobo?

2 Jokorinti 8:16

Wan opwoyo Rubanga pi keto i cuny Tito epone me mit acel nono me paro piru bala kame ango da atie kede.

Joepeso 2:3

Wada i kare moro oudo ocalunu kede gin i mit me kom wa, di olubunu mit me kom wa kede tam wa. Pi mano, iekite me kuo me kom, wan oudo obedunu jo kame poore pi udo lilo ka Rubanga bala jo apat dedede.

Gianyuta 17:17

Pien Rubanga otieko keto i cuny gi mit me cobo iik mere, en emio gi kibedo kede tam acel me mino le twer gi me pug, tuno di kop ka Rubanga ocobere.