Yokana 13:19 - Baibuli I Leb Kumam 2013

¹⁹ Nataman ango awaco ne wu di pwodi likame etimere, tetekeny ka etimere do, wun ibinunu yei be ango en inonono.

Yokana 13:19 Iomraidhean Croise

Isaya 41:23

Wacunu ne wa gikame waru bino timere, di wan oko bino ngeno be wun ateteni rubangan! Timunu kong gimoro aber arabo arac, kame mio wan lworo atek arabo kame neko kom wa.

Isaya 43:10

“Jo me Isirael, wun en ijurak nango; ango ayero wu pi bedo jotic na, tetekeny wun ingeanu di ikounu yei ango, kede iniangunu be ango kena en Rubanga. Cako riki sek likame tie rubanga moro ace, doko likame tie moro apat kame bino bedo tie.

Isaya 48:5

En komio ango ako waco ne wu kope nogo riki sek, di pwodi gin likame kitimere, tetekeny kur ngatamoro wac be, ‘Caljwogi na en kotimo gi nogi, kom cal apaa na kede cal atwaka en kociko gi nogi di kiko timere.’

Malaki 3:1

Rwot me jo yi gamo be, “Ango abino cwano ngaor na pi iiko na yongayo. Di do Rwot kame wun itienu mono nono ko bino ngeso bino i tempulo mere. Ngaor kame cunyu mito neno nono bino bino di eko tatamo kop me isikan na.”

Matayo 11:3

pi penye be, “In en ibedo ngat kame oudo kowaco be oyaro bino, arabo wan omeede daro dano ace?”

Matayo 24:25

Winyunu, ango atieko waco ne wu gigi di kare pwodi likame otuno.

Luka 21:13

Man bino mino wu kare aber me mino ijura i koma.

Yokana 1:15

Yokana bin omio ijura i kome di elelemo be, “Man en ngat kame bin awaco kop i kome be, ‘Ngat kame tie bino i cen ngea pire dwong loa, pien oudo en etie sek di pwodi ango ali.’ ”

Yokana 14:29

Ango nan awaco ne wu gi nogi di pwodi likame kitimere, tetekeny kame kitimere, ibinunu yei.

Yokana 16:4

Do ango atieko waco ne wu gi nogi, tetekeny kame esawa gin otuno, wek iyutununu gikame atieko waco ne wu i kom gi. “Likame oudo awaco ne wu gi nogi cako ki agege, pien oudo ango atie kede wu.

Yokana 4:26

Yesu oko waco ne be, “Ango inononi kame atie yamo kedi.”

Yokana 8:28

Di do Yesu oko waco ne gi be, “Ka itiekunu kiarao Wot ka dano i kom musalaba, ibinunu ngeno be ango inononi, kede be likame ango atimo gimoro i akarunikin nango kena, do ayamo gikame Papa opwonya iye.

Yokana 8:58

Yesu oko waco ne gi be, “Ateteni, ateteni awaco ne wu be, di pwodi Aburaam oudo li, ango oudo atie.”