Yokana 13:13 - Baibuli I Leb Kumam 2013

¹³ Wun ilwonganu be Apwony kede be Rwot; ebo, mano tie kakare, pien ango inonono.

Yokana 13:13 Iomraidhean Croise

Yeremia 1:12

Di Rwot oko waco be, “Ineno kiber, pien ango atie ngino pi neno be kop na ocobere kakare.”

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Luka 10:28

Yesu oko dwoko ne be, “Idwoko kiber; nan ida do tim kamanono di iko bino kuo.”

Luka 6:46

“Pinyo bo komio ilwonganu be Rwot, Rwot, do di likame itimunu gikame ango awaco ne wu?

Luka 7:43

Simoni oko dwoko be, “Ango aparo be ngat kame koweko ne banya adwong.” Yesu oko waco ne be, “Idwoko kakare.”

Yokana 11:2

Maria nono en kame bin oudo owiro Rwot kede mo angwe kur, di eko weweo tiene kede yer me wie; en nono kame omin mere Lasaro oudo tuwo.

Yokana 11:28

Ingei Marita yamo kamano, en eko ot lwongo amin mere Maria di eko weweo ne be, “Apwony kara tie kan, etie lwongi.”

Yokana 11:3

Amiegu nogo oko cwano kop but Yesu di kiwaco ne be, “Rwot, ngawoti kame imaro tuwo twatwal.”

1 Jokorinti 12:3

Pi mano, ango amito iniangunu be likame tie ngatamoro kame Tipo ka Rubanga telo di eko waco be, “Ilam mak Yesu!” Doko likame tie ngatamoro kame twero waco be “Yesu en Rwot” kwanyo di Tipo Kacil en kame otele.

1 Jokorinti 8:6

do kibut wan Rubanga tie acel, en Papa, ngat kame ocweo gi dedede doko wan okuo pire, kede Rwot acel, en Yesu Kirisito, kame mio jamini dedede bedo tie, doko wan okuo pi en.

Joepeso 6:9

Wuda jodongo, timunu kamanono ne ipasoi wu. Wekunu mino gi lworo di ingeunu be, wun dedede itienu kede Ngadwong acel kenekene i malo, ngat kame li kede apokapoka.

Jopilipi 2:11

kede leb jo dedede tuco be Yesu Kirisito en Rwot, pi mino Rubanga Papa deyo.

Jopilipi 3:8

Ateteni atero be gi dedede kony gi li pi bero kame kalamo, en ngeno Kirisito Yesu Rwot na. Ango akei gi dedede pire, doko atero gi bala yugi, me wek aud Kirisito,

Yakobo 2:19

In iyei be Rubanga tie acel; mano itimo ber. Akadi jwogi da yei kamanono, doko di kom gi miel amiela.