Yokana 13:1 - Baibuli I Leb Kumam 2013

¹ Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 13:1 Iomraidhean Croise

Agole 8:31

oudo alelo pi piny mere, doko di cunya yom pi jo.

Yeremia 31:3

ango ako nyutere but gi ki kakabor. Jo me Isirael, amara nango butu likame lokere; pi mano, ango ameede bedo kede genere butu.

Matayo 26:45

En eko do dwogo but josiao mege di eko waco ne gi be, “Mam wun pwodi itienu nino kede wei? Nataman esawa do otuno kame kobino mino kede Wot ka dano i cing jodubo.

Matayo 28:20

doko di ipwonyunu gi gwoko gikame aciko ne wu pi lubo. Doko nenunu, ango atie kede wu nakanaka tuno i ajikini me piny.”

Luka 22:53

I kare kame oudo atie kede wu i tempulo ceng dedede, cabo likame ikounu maka. Do man en esawa wu, kede esawa me twer me colo.”

Luka 9:51

Di do bin kare onoko me tere malo, Yesu oko do moko tam mere pi ot Yerusalem.

Yokana 11:55

Ceng me camo Ebaga me Kalamo oudo odoko do iyapiyapi, jo atot oudo oyai ki miere ooto Yerusalem pi lonyere di ebaga pwodi likame otuno.

Yokana 12:23

Yesu oko dwoko negi be, “Esawa do nan otieko tuno kame koyaro mino kede deyo i kom Wot ka dano.

Yokana 13:29

Mogo oudo paro be, pi kite kame Yuda oudo mako kede isau me sente, Yesu oudo tie waco ne be eoti ewil jame kame mitere ne gi me ebaga, arabo be emi jocan da gimoro.

Yokana 13:3

Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 13:34

Ango nan amio wu cik anyen be, marerenu kenu kenu; bala kite kame ango amaro wu kede, wuda poore imarerenu kenu kenu.

Yokana 14:28

Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 14:31

do ango gira atimo gikame Papa na ocika be atimi, tetekeny jo me piny ni ngei be ango amaro Papa. “Aso yaunu do ootunu.

Yokana 16:28

Ango bin awok kibut Papa di ako bino i piny; nan bobo atie weko piny di ako dok but Papa.”

Yokana 17:1

Kakame Yesu otieko waco kede kope gi, en eko tingo wange malo di eko lego be, “Papa, esawa otuno do, mi Wodi deyo, me wek Wodi da mi deyo buti.

Yokana 17:16

Likame gin kibedo jo me piny, bala kite kame ada likame abedo kede dano me piny.

Yokana 17:26

Ango atieko mino gi kingeo nyingi, doko abino mino nyingi medo ngere, tetekeny amara kame in imara kede bed i gin, kede ada i gin.”

Yokana 17:5

Papa, nan mia deyo i nyimi; epone me deyo kame bin atie kede i nyimi di pwodi likame kocweo piny.

Yokana 18:4

Yesu oudo ngeo gi dedede kame bino timere i kome, omio en eko wokun anyim di eko penyo gi be, “Imounu ngai?”

Yokana 19:28

Ingei mano, Yesu oko waco (pi cobo kakare iwandik kacil) be, “Orio oneka,” pien oudo engeo be gi dedede do otiek.

Yokana 2:13

Ebaga me Kalamo me Iyudayan oudo onoko, di Yesu oko ot paka Yerusalem.

Yokana 6:4

Ebaga me Kalamo, kame obedo ebaga me Iyudayan, oudo onoko.

Yokana 7:30

Kikano, gin kiko mono make; do likame tie ngatamoro kame oko keto cinge i kome, pien esawa mere oudo pwodi likame otuno.

Yokana 7:6

Yesu oko waco ne gi be, “Kare nango pwodi likame otuno, do wun itienu kede kare nakanaka.

Yokana 8:20

En ewaco kope nogi di oudo etie pwony i agola me kano lim i tempulo; do likame ngatamoro oko make, pien esawa mere oudo pwodi likame otuno.

Joroma 8:37

Li, i gigi dedede, wan olounu adikinicel pi ngat kame omaro wa.

1 Jokorinti 1:8

Yesu bino mino wu icungunu di itekunu i yei wu tuno i ajikini, tetekeny ibedunu abongo raco moro i ceng me dwogo mere.

Iburanian 3:14

Pien wan dedede onywakunu kede Kirisito ka omokunu kitek tuno i ajikini i kom gen atek kame bin otienu kede i agege.

Iburanian 3:6

Do Kirisito genere i tic me lono ot ka Rubanga bala Wode. Wan otienu ode ka omokunu kitek i kom nwangcuny kede i kom ngec aber i kom gen wa.

Iburanian 6:11

Wan cuny wa mito be ngat acelacel kikom wu poore meede keto cunye iepone noni tuno i ajikini, tetekeny iudunu gikame iketunu iye gen wu.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Yokana 4:19

Wan otienu kede amara pien Rubanga en kogeo maro wa.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa