Yokana 12:48 - Baibuli I Leb Kumam 2013

⁴⁸ Ngat kame daga di likame emito gamo kop na, en etie kede ngat kame bino ngolo ne kop; doko kop kame ango ayamo en kame bino ngolo nen kop i ceng me ajikini.

Yokana 12:48 Iomraidhean Croise

Isaya 53:3

Wan ocaenu di okounu dage; engirikino cwercuny eko nao kede neno can. Likame tie dano moro kame oudo mito ngoloro en. Wan ocaenu bala ebedo dano kame kony mere li.

Matayo 10:15

Ateteni awaco ne wu be i ceng me ngolo kop, Rubanga bino bedo kede kisa i kom jo me Sodoma kede Gomora kalamo jo me bomba nono.

Matayo 21:42

Yesu oko waco ne gi be, “Mam itiekunu somo iwandik kacil be, “‘Kidi kame jogedo odagi en kame olokere oko doko kidi me esonda kame pire tek; man Rwot en kotimo, doko i wang wa etie gi me aura’?

Matayo 25:31

“I kare kame Wot ka dano bino dwogo kede di etie i deyo mere karacel kede imalaikan dedede, en ebino bedo i kom mere me deyo.

Marako 12:10

Mam itiekunu somo iwandik kacil kame waco be, “‘Kidi kame jogedo odagi, en kame olokere oko doko kidi me esonda kame pire tek;

Marako 16:16

Ngat kame yei di oko batiso en, ebino udo alako, do ngat kalikame yei kobino ngolo kop loe.

Marako 8:31

Yesu oko cako pwonyo gi di ewaco be, Wot ka dano miero bei i can atot; di joadongo me piny, jodongo me josaseredoti kede jopwony me Iswil ko bino dage, di kiko neke da. Do ingei ceng me adek en ebino yaruno.

Luka 10:16

Yesu oko waco ne joor mege be, “Ngat kame yei winyo kop wu, udo ewinyo kop nango, doko ngat kame dagi wu, udo edagi ango, kede ngat kame dagi ango, udo en edagi ngat kame oora.”

Luka 17:25

Do miero ber en ebei i can atot, di jo me i kare ni ko dage.

Luka 20:17

Do en eko ngoloro gi, di eko penyo gi be, “Nan do dwong me iwandik noni en nyo, iwandik kame waco be, “‘Kidi kame jogedo odagi, en kame olokere oko doko kidi kame pire tek me esonda’?

Luka 7:30

Do Iparisayon kede jopwony me Iswil oko dagi lubo mit ka Rubanga pirgin, pien likame kiyei ne Yokana batiso gi.

Luka 9:22

En eko waco ne gi be, “Wot ka dano miero bei i can atot; di joadongo me piny, jodongo me josaseredoti kede jopwony me Iswil ko bino dage, di kiko neke da. Ingei ceng me adek, di oko bino yaruno en.”

Luka 9:26

Pien ngat kame nan lewic make i koma, kede pi kop na, Wot ka dano da lewic bino make i kome i kare kame ebino dwogo kede di etie i deyo mere, kede i deyo ka Papa mere, kede me imalaikan kacil.

Yokana 11:24

Marita oko dwoko ne be, “Ango angeo be en ebino yaruno i kuo bobo i ceng me ajikini.”

Yokana 5:45

Kur iparunu be ango abino pido wu but Papa; Musa en kame pido wu, en ngat kame wun iketunu gen wu i kome.

Yokana 6:39

Gikame ngat oora mito en ine be, likame apoore rwenyo ngatamoro kikom jo dedede kame en emia, do miero ayaruno gi i ceng me ajikini.

Yokana 8:47

Ngat kowok kibut Rubanga winyo kope ka Rubanga; wun likame iwinyunu kope kame ango awaco ne wu, pien wun likame iwokunu kibut Rubanga.”

Tice 17:31

piento en etieko cibo ceng kame en ebino ngolo ne kede jo me piny kop kede ateni. Dano kame en etieko yero en kame bino timo man, doko en etieko moko kop noni but jo dedede di eyaruno dano nono kikom jo oto.”

Tice 3:23

Do ngat kalikame bino lubo gikame enabi no bino waco, kobino poke tenge kikom jo di oko neke.’

Joroma 2:16

Aso manoni en gikame bino timere, i ceng kame Rubanga bino ngolo kede kop i kom mung me jo di etio kibut Yesu Kirisito, di lubere kede ejiri kame ango atuco.

2 Jokorinti 4:3

Doko akadi ka ejiri kame wan otuco oumere, en eumere ne jo kame tie rwenyo atwal.

2 Jotesalonika 1:8

En ebino bino di etie i dier mac kame liel, di eko bino culo kwor i kom jo kalikame ngeo Rubanga kede jo kame dagi lubo ejiri ka Rwot wa Yesu.

Iburanian 10:25

di likame owekunu ariamakin karacel, bala kame jo mogo onao timo. Do poore idiunu cuny ngat acelacel, twatwal mere pi kite kame nan inenunu kede Ceng nono tie do noko.

Iburanian 12:25

Nenunu be iwinyunu kop me ngat kame tie yamo. Pien ka gin bin likame kitwero bwot i kare kame kidagi kede ngat kame oudo okwenyaro gi ki lobo kan, wan do obinunu bwot benyo ka odagunu ngat kame kwenyaro wa ki malo?

Iburanian 2:3

wan do obinunu bwot benyo benyo ka odagunu twon alako kame cal kamano? Rwot en kame bin ogeo tuco kop me alako noni, di jo kame bin owinyo kibute oko moko ne wa be en gi me ateni.

Iburanian 4:12

Ateteni kop ka Rubanga kuo doko etio kitek, en ebit kalamo epima kame bit tuni tuni. En ecobo paka tuno i apokini me cuny kede tipo, kede me kariamo me cogere kede isum, doko epoko par kede mit abeco kede areco me cuny jo.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

2 Petero 3:3

Me agege mere, miero iniangunu be, i kare me ajikini jo acae oyaro bino di kicaare, di kilubo mit me kom gi,

2 Petero 3:7

Do kop acel nono en kame nan tie gwoko malo kede lobo kame nan tie nogi pi kuro mac. Kotie gwoko gi paka tuno i ceng me ngolo kop, en ceng kame kobino dudubo kede jo kalikame woro Rubanga.

1 Samuel 10:19

Do wun tin itiekunu dagi Rubanga wu, ngat kalako wu ki peko kede ki can dedede, di ikounu waco be, ‘Li! Do ket ne wan abaka apugo wa.’ Nan do cungunu i nyim Rubanga di lubere kede atekerin kede ikekon wu.”

1 Samuel 8:7

di Rwot oko waco ne be, “Yei kope dedede kame jo tie waco ni; pien likame gin kidagin, do gin kitieko daga bala abaka gi.