Yokana 12:43 - Baibuli I Leb Kumam 2013

⁴³ Pien oudo gin kimaro pak me dano kalamo pak kame yai kibut Rubanga.

Yokana 12:43 Iomraidhean Croise

Sabuli 22:29

Ateteni jo awakere dedede me wi lobo bino luro i nyime; jo dedede kotieko to oko dok i apua bino riebere i nyime, di ango ako bino kuo pire.

Agole 29:25

Bedo kede lworo tie ne dano bala owic, do ngat kame keto gen mere i kom Rwot bedo mulem.

Matayo 6:2

“Pi mano, kame itie mino ngacan gimoro, kur imi jo ngeno, bala kite kame joecuke timo kede i sinagogan kede i dier yote me bomban, be tetekeny jo pak gi. Ateteni awaco ne wu be, gin kitieko gamo giamia gi me pwoc.

Luka 16:15

Do en eko waco ne gi be, “Wun en jo kame nyutere i nyim jo be ipoorenu, do Rubanga ngeo cunyu; pien gikame jo tero bala gikaber, obedo gikame neno rac i nyim Rubanga.

Luka 19:17

Ngadwong mere oko waco ne be, ‘Itimo kiber, in ngatic aber! Aso, pi kite kame ibedo kede ngat kame genere kede gikame titidi, in ibino pugo bomban tomon.’

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 5:41

“Ango likame amo deyo kibut jo.

Yokana 5:44

Itwerunu yei benyo benyo wun jo kame iudunu deyo kibut jo icegun, do di likame imounu deyo kame wok kibut Rubanga acel kenekene?

Yokana 7:18

Ngat kame yamo i akarunikin mere kene mo deyo mere kene; do ngat kame mo deyo pi ngat kame oore, en dano me ateni, bobo eli kede angalo moro i kuo mere.

Yokana 8:54

Yesu oko dwoko be, “Ka ango amio deyo i koma kena, deyo na udo kony mere li. Ngat kame miango deyo en Papa na, en nono kame wun iwacunu be Rubanga wu.

Joroma 2:29

Ngat kobedo Ngayudaya kikokome en dano kobedo Ngayudaya i cunye, doko kepere me ateni tie kop kame mako cuny, en gi me Tipo, do weko gikame kowandiko. Ngat kame cal kamano udo pwoc mere kibut Rubanga do weko kibut dano.

Joroma 2:7

Jo kame dio cuny gi timo gikaber di kimoo deyo kede wor kede kuo kalikame tiek, ebino mino gi kuo kame bedo nakanaka.

1 Jokorinti 4:5

Pi mano, kur ingolunu kop ne ngatamoro di pwodi likame kare otuno, di pwodi Rwot likame odwogo. En ebino woto i lero gikame nan kokano i colo, doko ebino mino iik kame tie i cuny jo ngere. Di do dano acelacel ko bino udo pwoc kibut Rubanga.

2 Jokorinti 10:18

Pien likame jo kame pwore ken gi en kame kopwoyo, do jo kame udo pwoc me ateni en jo kame Rwot pwoyo.

1 Jotesalonika 2:6

Doko wan oudo likame omoo bero kibut jo, arabo kibutu amoto kibut jo ace,

1 Petero 3:4

Do wek gikame tubuso wu bed kuo kokanere me cunyu, gikame cil doko kame bedo nakanaka, en kuo me mwolo kede me bedo mot, gikame obedo gi me wel i nyim Rubanga.

1 Samuel 15:30

Saulo oko waco be, “Ango atieko dubo, do mia wor i nyim joadongo kame telo jo na kede i nyim jo me Isirael dedede. Dok keda tetekeny aoti awor Rwot Rubanga ni.”

1 Samuel 2:30

Pi mano Rwot Rubanga me Isirael waco be, ‘Ango oudo acikere be jo me odi kede jo me ot ka kwaru ni bino tic na bala josaseredoti nakanaka’; do nan Rwot waco be, ‘Likame abino timo kamanono; do ango abino mino wor but jo kame mia wor, kede abino mino lewic mako jo kame tie kede acae buta.