Yokana 12:40 - Baibuli I Leb Kumam 2013

⁴⁰ “Rubanga otieko umo wang gi, doko etieko cego tam gi, ka koto oudo likame kamanono, koto wang gi okaruno neno, doko koto wi gi da oniang, di kiko lokere buta di ango ako cango gi.”

Yokana 12:40 Iomraidhean Croise

1 Abakai 22:20

Di Rwot oko waco be, ‘Ngai kame bino ngalao Akab tetekeny eot Ramot di oko neke iye?’ Di imalaikan oko donyo yamo, man yamo kop ni, maca da yamo kop ca,

Sabuli 147:3

En ecango jo kame cuny gi cwer, doko etwetweo aporeso gi.

Sabuli 41:4

Do ango awaco gira be, “Okwe Rwot, ango adubo i nyimi; mi kisa maki i koma iko canga.”

Sabuli 6:2

Kisa maki i koma, Okwe Rwot, pien atieko doko goro; Okwe Rwot, canga, pien cogere na li do kede teko atwal.

Yai 10:1

Di Rwot oko waco ne Musa be, “Ot but Parao. Ango atieko mine ebedo ngaepali, en karacel kede jotic mege, me wek ango atim giaura i diere gi,

Yai 11:10

Musa kede Aaron otimo giaura nogi i nyim Parao, do Rwot omio Parao obedo ngaepali di likame eko yei ne jo me Isirael yai weko lobo mere.

Yai 14:17

Ango abino mino jo me Misiri bedo joepali di kiko donyo i yi nam lubo jo me Isirael, di ango ako bino udo dwongo pi bwono Parao kede isirikalen mege, cabalan kede jo kame ringo kede cabalan mege.

Yai 14:4

Abino mine ebedo ngaepali di eko cako wapo wu, tetekeny ango ako bino bwono Parao kede isirikalen mege di ako bino udo dwongo. Manono bino mino jo me Misiri ngeo be ango abedo Rwot.” Jo me Isirael oko timo gikame kowaco negi.

Yai 14:8

Rwot oko mino Parao, en abaka me Misiri, obedo ngaepali di eko cako wapo jo me Isirael, jo kame oudo oyai tie girgi ot abongo lworo.

Yai 4:21

Rwot bobo oko waco ne Musa be, “Kame idok Misiri, miero inen be itimo i nyim Parao giaura dedede kame ango atieko mini twer me timo; do ango abino mine ebedo ngaepali tetekeny kur eyei ne jo yai.

Yai 7:13

Do Parao pwodi oko meede kanyo kop, eko dagi yei winyo kop gi, bala kame oudo Rwot otieko waco.

Yai 7:3

Do ango abino mino Parao bedo ngaekanya, di eko dagi winyo kope wu, akadi di ango atim gianena kede giaura atot i lobo me Misiri. Ingei manono ango ako bino kelo alola alit twatwal i kom jo me Misiri di ako telo jo na wok ki Misiri, jo me ekeko acelacel me anywali me Isirael di lubere aluba.

Yai 9:12

Do Rwot oko mino Parao obedo ngaepali, omio likame eko yei kop gi, bala kame oudo Rwot otieko waco ne Musa.

Isaya 26:11

Okwe Rwot, in itingo badi malo pi mino gi alola, do likame gin kitie neno. Mi gi kinen epone kame in imaro kede jo ni, di lewic ko mako gi; mi mac kame in i iiko pi jokwor ni muducaro gi.

Isaya 29:10

Pien Rwot otieko coro ne wu cuny me mito nino kitek; inabin poore bedo bala wangu, do en etieko umo wang gin; etieko umo wi joneno.

Isaya 53:5

Do en bin kocobe pi dub wa, kowane pi tim areco wa. Wan oudo anapakin i kuo wa pi alola kame en ebeo iye, ocangunu pi aporeso mege.

Isaya 6:10

Di eko waco na be, “Mi tam ka jogo dok bangabanga; mi yit gi dingi; kede da imi wang gi totoun, tetekeny likame wang gi ko karuno neno piny, kede yit gi da likame ko twero winyo kop, kede tam gi da likame ko karuno niang gimoro, me wek kur kilokere buta di ako cango gi.”

Isaya 6:9

En eko waco na be, “Oti iwace jogo be, ‘Akadi imeedenu winyo benyo, do likame ibinunu niang; akadi imeedenu ngino benyo, do likame ibinunu ngeno gikame tie timere.’ ”

Yeremia 3:22

Okwe wun idwe kalikame genere, dwogunu but Rwot Rubanga wu, en ebino cango yote wu areco me bedo jo kalikame genere. Wun iwacunu be, “Neningo, wan ige odwogo but Rwot, piento en ebedo Rwot Rubanga wa.

Yeremia 5:21

Winyunu, Okwe wun jomingo kalikame wi wu tio; itienu kede wangu do likame inenunu; itienu kede yitu do likame iwinyunu.

Esekeri 12:2

En ewaco be, “Wot ka dano, in itie bedo i diere me jo kame jojemo. Gin kitie kede wang gi do likame kineno piny, kitie kede yit gi do likame kiwinyo kop,

Esekeri 14:9

“Ka kongalo enabi moro di en eko dwoko kop kalikame tie ateni, udo ango Rwot en kame angale. Ango abino mino enabi nono alola, di ako muducaro en ki diere me jo na me Isirael.

Kosea 14:4

Rwot waco be, “Ango abino cango epali kame jo me Isirael tie kede. Ango abino maro gi kede cunya dedede; ango atieko kwanyo gero na kibut gi.

Kosea 6:1

Jo waco be, “Bia odokunu but Rwot. En etieko nyinyilo wa i adulion, do ebino cango wa; etieko mino wa awanon, do en ebino twetweo aporeso wa.

Matayo 15:14

Wun wekunu gin ken gi, gin kibedo imuduka kame telo jo, pien ka emuduk opeo emuduk wad gi, gin duc kibino poto i bur.”

Marako 4:12

tetekeny, “‘Akadi kineni, do likame kitwero ngeno; doko akadi kiwinyi, do likame kitwero niang. Pien ka koto di li, oudo koto kilokere but Rubanga, di en eko sasiro gi.’ ”

Marako 6:52

pien gin oudo likame kiniang odocon gikame dwong me pito jo tutumia kany kede mugati nyuto i kom Yesu, pien wi gi oudo tek.

Luka 4:18

“Tipo ka Rwot tie i koma, piento en etieko yera pi kelo ne jocan kop aber. En eora pi bino tuco ne jo kame kotweo kop kame mako gonyo gi, kede but imuduka kop kame mako yabere me wang. En eora pi gonyo jo kame kodio,

Luka 8:10

en eko waco ne gi be, “Wun kotieko mino wu ngeno mung me Ajakanut ka Rubanga, do jo apat kobino yamo kede gi i agole, tetekeny akadi kineni, do likame kibino neno, doko akadi kiwinyi, do likame kiromo niang.”

Yokana 12:39

Pi mano, omio gin likame kiko yei, pien Isaya oudo bobo oko waco be,

Yokana 9:39

Yesu oko waco be, “Ango abino i piny, me wek jo kalikame neno kineni, kede be, jo kame neno wek wang gi toi.”

Tice 15:3

Di do ekodet me jokirisito oko cwano gi kioto, kiko beno ki Poenike kede Samaria, di kitatamo epone kame jo kalikame Iyudayan olokere kede but Rwot. Kop nono oko yomo cuny jo koyei Kirisito dedede.

Tice 28:26

“‘Oti but jogo di iko waco ne gi kaman: Ateteni jogi bino winyo kop do likame kiko niang, kede kibino ngino do likame kiko neno.

Tice 3:19

Pi mano, wun miero iswilarunu, di ikounu lokere but Rubanga, tetekeny elwok dub wu tenge, me wek Rwot mi wu kare me wei.

Joroma 9:18

Pi mano, en kisa make kede ngat kame cunye oyero, doko ngat kame en emito be bed ngaepali emio bedo ngaepali da.

Iswilia 29:4

Do tuno tin Rwot likame omio wu iniangunu i kuo kame ibeunu iye.

Yosua 11:20

Manono oudo obedo iik ka Rwot pi mino cuny gi bedo tek yi kede jo me Isirael, tetekeny dudubo gi atwal atwala di oko neko jo gi pitipit, bala kame Rwot oudo ociko ne Musa.