Yokana 12:32 - Baibuli I Leb Kumam 2013

³² Doko kame kotinga malo ki piny kan, abino coko jo dedede buta.”

Yokana 12:32 Iomraidhean Croise

2 Samuel 18:9

Abisolom oko riamo kede jotic ka Daudi. En oudo etie bedo ingei asigira mere etie ringo kede, do kakame ebeo kede i dud yat oak kojanyo, wi Abisolom oko moko i ajange me yat. Asigira oko ringo okato do en eko dong di etie ledo i wi yamo.

Wer amit 1:4

Tera aupere kedi, oring aringa; bed abaka na di iko tera i agola ni. Wan obino kilel karacel piri, obino kilel pi amara ni kalamo bedo kede kilel pi bwini; mon likame mari me nono.

Isaya 11:10

Kare tie bino kame abaka kowok ki ekeko ka Yese bino cungo kede bala imendera ne atekerin apat. Gin kibino penyo tam kibute, di kabedo mere ko bino bedo kede deyo.

Isaya 49:6

Rwot oko waco be, “Ngatic na, ango atie mini tic atek. Likame ibino kenekene dwoko bero ne jo me Isirael kame pwodi odong kuo, do ango abino da mini ibedo lero but atekerin, tetekeny in iter alako na i wi lobo lung.”

Kosea 11:4

Ango awao gi dwogo buta kede mwolo kede amara. Kibut gi oudo ango acal bala ngat kame tingo atin di eko gonge i leme; ango agungo but gi di ako pito gi.

Wel 21:9

Aso, Musa oko timo twol kede nyonyo buronsi, di eko cibe i wi epir. Ka twol oudo otongo ngatamoro, ngat nono oudo ngio twol kame kotimo kede nyonyo buronsi nono di eko kuo.

Yokana 1:7

En oudo ebino pi bedo ijura me kop i kom lero nono, tetekeny jo dedede yei pi kop mere.

Yokana 12:34

Ekodet oko dwoko ne be, “I Iswil wa, wan owinyo be Kirisito bino bedo kede wan nakanaka. Epone nyo do komio in iwaco be poore ting Wot ka dano malo? Wot ka dano noni do en ngai?”

Yokana 18:32

(Man otimere pi mino kop kame Yesu oudo owaco cobere kakare, pi nyuto epone kame eyaro to kede.)

Yokana 19:17

En eko donyo ooko di eyeo musalaba mere, di eko ot kakame kolwongo be Kabedo me Cogowic, kame kolwongo kede leb Eburania be Gologota.

Yokana 3:14

“Bala kite kame bin Musa okiarao kede twol i tim, kobino kiarao Wot ka dano da malo kamanono,

Yokana 6:44

Likame tie ngatamoro kame twero bino buta kwanyo kenekene ka Papa ngat kame oora en okele; doko abino yaruno en i ceng me ajikini.

Yokana 8:28

Di do Yesu oko waco ne gi be, “Ka itiekunu kiarao Wot ka dano i kom musalaba, ibinunu ngeno be ango inononi, kede be likame ango atimo gimoro i akarunikin nango kena, do ayamo gikame Papa opwonya iye.

Jogalatia 3:13

Kirisito olako wa ki ilam kame Iswil kelo, ingei en doko ilam pirwa. Pien kowandiko be, “Ilam mak ngat acelacel kame koliero i kom yat.”

1 Temeseo 2:6

ngat kame bin ojalo kuo mere pi lako jo dedede. Manoni oudo obedo gikame moko kop, kame komio i kare kopoore.

Iburanian 2:9

Do wan oneno Yesu, ngat kame oudo komio ruom apiny me imalaikan pi kare moro acecek, nataman komie deyo kede wor pi can me to kame ebeo iye, tetekeny pi kisa ka Rubanga, en ebil to pi jo dedede.

1 Petero 2:24

En eyeo dub wa i kome i wi musalaba, tetekeny wan ojikunu dubo di okounu bedo kede kuo kopoore. Itiekunu cango pi aporeso mege.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 2:2

En ebedo giayala kame kwanyo dub wa, do likame dub wan kenekene, do da dub me jo dedede.

Gianyuta 5:9

Gin kiko wero wer anyen di kiwaco be, “In en ngat kame opoore pi gamo itabu adola kede tako gikame kododoko mwone kede. Pien in oudo koneki, doko ilako ne Rubanga jo kede remo ni, jo me abilere dedede, leb dedede, jo me erangi dedede kede atekerin dedede.