Yokana 12:29 - Baibuli I Leb Kumam 2013

²⁹ Ekodet kame oudo tie cungo kuno oko winyo dwan nono, di kiko waco be manono oudo mwoc me kot, do mogo oko waco be, “Malaika en oyamo kede!”

Yokana 12:29 Iomraidhean Croise

Yobu 40:9

Iparo be in itek bala ango? Iparo be in ikaruno redo kede dwan acal bala mera?

Yai 19:16

Odiko me ceng me adek amwomwocun kede meny bala me kot oko bedo tie, di edou apek oko umo wi moru di agwara oko kok kitek. Jo dedede kame oudo tie i kimere kom gi oko donyo miel pi lworo.

Yai 20:18

Di bin jo dedede owinyo mwoc acal bala me kot kede koko me agwara, di kiko neno meny bala me kot kede yiro kame duny ki wi moru, lworo oko mako gi di kom gi oko donyo miel di kiko cungo tenge kakabor.

Esekeri 10:5

Mor me bwom cerubim oudo winyere kiton i diakal me ooko. Mor gi oudo winyere bala dwan Rubanga Won Twer kame etie yamo.

Tice 9:7

Jo kame en bin eupere kede oko cungo di likame kitwero yamo, pien oudo kiwinyo dwan, do likame kineno ngatamoro.

Gianyuta 11:19

Di oko yabo tempulo ka Rubanga i malo, Sanduku me Isikan mere oko neeno di tie iye. Di asara kame cal bala meny me kot, dwan atot, amwocumwocun bala me kot, yangere me piny, kede cwei atek me akako oko timere.

Gianyuta 14:2

Ango di ako winyo dwan moro kame wok ki malo, kame mor bala pii atot kame mol di ony, kede bala mwoc atek me kot. Dwan kame ango awinyo nono oudo cal bala me adungu kame jogoc tie gono.

Gianyuta 6:1

Di ako neno Katin Romo di yabo acel i kom amwon kame kododoko tien kanyaare nogo. Ako winyo acel kikom giacwea akuo ongwon di waco kede dwan kame mor bala mwoc me kot be, “Bia!”

Gianyuta 8:5

Di malaika nono oko kwanyo gi me dunyo bubani, eko pongo iye mac kame kokwanyo ki alutari, di eko lwomo gi nono piny i lobo. Di amwocumwocun kame cal bala me kot, icelakin, meny atot acal bala me kot, kede yangere me piny oko timere.