Yokana 12:27 - Baibuli I Leb Kumam 2013

²⁷ “Nan cunya tie kede peko. Nan do awac benyo? Benyo, awac be, ‘Papa, laka ki esawa me can noni?’ Li, pien kop noni en komio ango atuno iesawa ni.

Yokana 12:27 Iomraidhean Croise

Sabuli 6:3

Peko otieko donyo i kuo na, do in, Okwe Rwot, ibino daro paka awene?

Sabuli 88:3

Pien peko opong i kuo na, doko kuo na odoko iyapiyapi kede kabedo me jo oto.

Isaya 38:15

Do nat kop nyo kame ango aromo waco? Rwot otieko timo nango kamanoni. Ango atie kede cwercuny atek, likame akaruno nino.

Isaya 53:3

Wan ocaenu di okounu dage; engirikino cwercuny eko nao kede neno can. Likame tie dano moro kame oudo mito ngoloro en. Wan ocaenu bala ebedo dano kame kony mere li.

Matayo 11:25

Iesawa nono Yesu oko waco be, “Apwoyi, Papa, Rwot me malo kede me lobo, pien in ikano gigi kibut jorieko kede jo aniang, di iko nyuto gi ne idwe atino.

Matayo 11:26

Ebo Papa, manono en epone kame in oudo imito be etimere kede.

Matayo 26:42

En eko bobo ot tenge tien me are di eko lego be, “Papa na, ka ikopo noni likame karuno kato di likame amate, wek etimere bala kite kame in imito kede.”

Matayo 26:45

En eko do dwogo but josiao mege di eko waco ne gi be, “Mam wun pwodi itienu nino kede wei? Nataman esawa do otuno kame kobino mino kede Wot ka dano i cing jodubo.

Luka 22:44

Kite kame oudo etie kede cwercuny atek, en eko lego kede cunye dedede, kwok oko make di oko donyo ton piny bala remo.)

Luka 22:53

I kare kame oudo atie kede wu i tempulo ceng dedede, cabo likame ikounu maka. Do man en esawa wu, kede esawa me twer me colo.”

Yokana 11:41

Jo mogo kikom gi oko kwanyo kidi tenge ki dog ates, Yesu oko neno malo di eko waco be, “Apwoyi Papa, pien in itieko winya.

Yokana 12:23

Yesu oko dwoko negi be, “Esawa do nan otieko tuno kame koyaro mino kede deyo i kom Wot ka dano.

Yokana 13:21

Kakame Yesu otieko waco kede kop noni, cunye oko winyo lito adikinicel, di eko waco kakaler be, “Ateteni awaco ne wu be, ngat acel kikom wu bino rupao ango.”

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

1 Temeseo 1:15

Man kop me ateni, kame poore agama di iko yei, be Kirisito Yesu obino i piny pi lako jodubo. Ango en kame abedo ngadubo kalamo gin dedede,

Iburanian 2:14

Bala kame jo obedo giacwea kame tie kede remo kede ringo, Yesu da kikome oko nywako cal gi nono, tetekeny pi to mere wek eloi Sitani ngat kame tie kede twer me kelo to,

Iburanian 5:7

I kare kame oudo ekuo kede kome i piny kan, Yesu olego kede dwan amalo kede pige wange, di ekwao Rubanga ngat kame oudo twero lake ki to. Rubanga oko winye pi mwolere mere bute.