Yokana 12:26 - Baibuli I Leb Kumam 2013

²⁶ Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 12:26 Iomraidhean Croise

Sabuli 17:15

Do ango gira abino neni pien apoore; ka acei ki wang nino, tie ni keda bino yomo cunya.

Sabuli 91:15

Ka gin kilwongere buta, ango abino gamo dog gi; abino bedo kede gi i kare me peko, ango abino lako gi di ako mino gi kiudo wor.

Agole 27:18

Dano kame gwoko yat anyak bino camo anyakini mere, kamanono da dano kame gwoko ngadwong mere kobino mine wor.

Wel 14:24

Do pi kite kame ngatic na Kaleb tie kede cuny apat, doko da ebedo lubo kop na kede cunye dedede, ango abino tere tuno i lobo kame bin en eoto begao nono, di ikwae mege ko bino donyo bedo iye edoko mergi.

Wel 32:11

‘Ateteni likame tie ngatamoro kikom jo nogi kame oyai ki Misiri, cako kibut jo me mwakini ot are ot malo, kame bino neno lobo kame bin ango akwongere iye pi mino Aburaam, Isaka, kede Yakobo, pien gin likame kibedo luba kede cuny gi lung.

Matayo 16:24

Yesu oko waco ne josiao mege be, “Ka ngatamoro mito luba, ber kong edagere kene di en eko riongo musalaba mere eko luba.

Matayo 25:21

Ngadwong mere oko waco ne be, ‘Itimo kiber, in ngatic aber, doko igenere. Itieko bedo ngat kame genere kede gi atitidi, abino do keto gi atot i cingi, pi mano dony do i kilel na.’

Marako 8:34

Di do Yesu oko lwongo ekodet dedede karacel kede josiao mege bute, en eko waco ne gi be, “Ka ngatamoro mito luba, poore kong edagere kene, di en eko riongo musalaba mere eko luba.

Luka 12:37

Kitie kede winyo jotic kame ngadwong gi bino dwogo di eko udo gi di kineeno; ateteni awaco ne wu be, en ebino dolo egoe mere etweo i piere di eko mino gi kibedo piny kacam, di eko poko ne gi cam.

Luka 6:46

“Pinyo bo komio ilwonganu be Rwot, Rwot, do di likame itimunu gikame ango awaco ne wu?

Luka 9:23

Kikano di do en eko waco ne gin dedede be, “Ka dano moro mito luba, poore kong en edagere kene, di eko riongo musalaba mere ceng dedede, di do en eko luba.

Yokana 10:27

Romini na winyo dwana, ango da angeo gi, doko gida kiluba.

Yokana 13:16

Ateteni, ateteni awaco ne wu be, likame tie ngatic moro kame pire dwong kalamo ngadwong mere, arabo ngaor kame pire dwong kalamo ngat oore.

Yokana 14:15

“Ka imaranu, ibinunu gwoko cik na.

Yokana 14:3

Ka ango aoto ako iiko ne wu kabedo, abino dwogo ako omo wu atero wu kakame ango atie iye, di wuda ikounu bedo kuno.

Yokana 15:20

Yutununu kop kame oudo awaco ne wu be, ‘Epasoit likame pire dwong kalamo ngadwong mere.’ Ka kitidilo ango, kibino tidilo wuda; ka kiwinyo kop na, kibino winyo kop wuda.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 21:22

Yesu oko waco ne be, “Ka mit nango tie be edong di ekuo tuno ango dwogo, nyo kame tie loli iye? In luba!”

Joroma 1:1

Baluwa kowok kibut Paulo ngatic ka Yesu Kirisito, ngat kame kolwongo pi bedo ngaor, di oko poke pi tuco ejiri ka Rubanga.

Joroma 14:18

Pi mano, ngat kame tio ne Kirisito, Rubanga game, doko jo da pwoye.

2 Jokorinti 4:5

Pien likame wan otatamo kop kame mako wan, do wan opwonyo be, Yesu Kirisito en Rwot; wan obedo jotic wun pire.

2 Jokorinti 5:8

Wan odio cuny wa kitek di otamo be, tikatika oyai owek kom wa noni di oko ot bedo i paco wa kede Rwot.

Jogalatia 1:10

Iparunu be ango do atie mono pwoc kibut jo arabo kibut Rubanga? Arabo iparunu be ango atie tamo yomo cuny jo? Ka koto di oudo pwodi ango atie yomo cuny jo, koto likame ango abedo ngatic ka Kirisito.

Jopilipi 1:23

Kope are gi dia twatwal. Mit nango tie be koto atoi di ako ot bedo kede Kirisito, pien mano ber kalamo.

Jokolosai 3:24

Ngeunu be Rwot bino mino wu bala giamia wu me pwoc winyo kame en ekano pi jo mege, pien wun itienu tic ne Rwot Yesu Kirisito.

Jokolosai 4:12

Epapura, ngat kame obedo dano acel kikom wu, ngatic ka Kirisito Yesu moto wu. En eyutuno wu nakanaka i ilega mere, me wek ibedunu kede yei kocato kede di gen wu likame kwanyere ki kom gikame Rubanga mito.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

1 Yokana 5:3

Pien maro Rubanga en ine be, wan olubunu cik mege. Doko cik mege likame dio wa,

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Gianyuta 14:4

Gin en cuo kalikame omunaun kede mito mon, pien gin kigwokere likame kibilo timo mit. Gin nakanaka kilubo Katin Romo kabedere dedede kame en eoto iye. Jo nogi en kame kolako kikom jo dedede, pi bedo bala dul me agege me kac kame komio but Rubanga kede but Katin Romo.

1 Samuel 2:30

Pi mano Rwot Rubanga me Isirael waco be, ‘Ango oudo acikere be jo me odi kede jo me ot ka kwaru ni bino tic na bala josaseredoti nakanaka’; do nan Rwot waco be, ‘Likame abino timo kamanono; do ango abino mino wor but jo kame mia wor, kede abino mino lewic mako jo kame tie kede acae buta.