Yokana 12:25 - Baibuli I Leb Kumam 2013

²⁵ Ngat kame maro kuo mere bino kei, do ngat kame dagi kuo mere i piny kan, udo en ekane pi kuo kame bedo nakanaka.

Yokana 12:25 Iomraidhean Croise

Ngarab kop 2:17

Manono oko mino cunya odagi kuo, pien gikame kotimo i piny kan kelo nango cwercuny; gin dedede kical bala buongor arabo riamo yamo.

Matayo 10:39

Ngat kame gwoko kuo mere bino kei en, kede ngat kame rwenyo kuo mere pira ebino udo.

Matayo 16:25

Pien ngat kame mito lako kuo mere bino rwenye, kede ngat kame rwenyo kuo mere pira bino ude.

Matayo 19:29

Doko ngat acelacel kame oweko ude mege, imiegu arabo amiegu mege, papa mere arabo toto mere, idwe mege arabo lobo mere pira, ebino udo gikame kalamo magonogi tien tol acel, doko en eko bino udo kuo kame bedo nakanaka.

Marako 8:35

Pien dano kame mito lako kuo mere, ebino rwenye; do ngat kame rwenyo kuo mere pira kede pi ejiri bino lake.

Luka 14:26

“Ngat kame bino buta likame karuno bedo ngasiao na, kwanyo kenekene ka emara kalamo epone kame emaro kede papa kede toto mere, dako kede idwe mege, imiegu kede amiegu mege, ebo, kiton kuo mere da kikokome.

Luka 17:33

Pien ngat kame mito gwoko kuo mere, ebino rwenye, do ngat kame rwenyo kuo mere ebino gwoke.

Tice 20:24

Do ango likame atero kuo na bala gikame tie kede kony, arabo gikame pire dwong kibuta, kwanyo kenekene ka koto ango angetakino tic kame Rwot Yesu bin omia, me tuco ejiri me kisa ka Rubanga.

Tice 21:13

Paulo oko dwoko be, “Nyo kame wun itienu timo, mam itienu koko kede dubo cunya? Ango kom atieko iikere me bedo i otkol, akadi kiton to i Yerusalem pi nying Rwot Yesu.”

Iburanian 11:35

Pi yei, bin komio mon joe gi kame oudo otieko to, di koyaruno gi. Bin kobungo jo ace, di kidagi be gony gi, tetekeny kitoi di kiko yaruno i kuo kame ber kalamo.

Gianyuta 12:11

Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to.