Yokana 12:20 - Baibuli I Leb Kumam 2013

²⁰ Jogurik mogo da oudo tie i kom jo kame oudo ooto Yerusalem pi woro Rubanga i kare me ebaga.

Yokana 12:20 Iomraidhean Croise

Isaya 11:10

Kare tie bino kame abaka kowok ki ekeko ka Yese bino cungo kede bala imendera ne atekerin apat. Gin kibino penyo tam kibute, di kabedo mere ko bino bedo kede deyo.

Marako 7:26

Dako nono oudo likame obedo Ayudayat, do en oudo ebedo anywali me Poenisia, kame tie i piny me Siria. En eko bako ne Yesu doge pi riamo jwogi tenge ki kom nyare.

Yokana 12:1

Di oudo odong ceng kanyape tuno i Ebaga me Kalamo, Yesu oko ot Betania kakame oudo Lasaro bedo iye. Lasaro en oudo icuo kame Yesu oyaruno kikom jo oto.

Yokana 12:19

Iparisayon oko donyo waco ken gi ken gi be, “Nenunu, wan nan likame obinunu twero timo gimoro akadi acel, pien piny dedede do tie lube!”

Yokana 7:35

Iyudayan oko donyo yamo ken gi ken gi be, “Tuai inonono kame icuo ni mito ot iye, kame mio wan likame otwero ude? Mam nat emito ot but joe wa kame osarakin i dier Jogurik di eko donyo pwonyo Jogurik?

Tice 14:1

Kikano, di bin Paulo kede Baranaba oudo tie Ikoniam, kiko donyo karacel i sinagoga me Iyudayan, kop kame kiko yamo oko mino ekodet me Iyudayan karacel kede Jogurik oko yei Yesu.

Tice 16:1

Paulo oko ot Derube kede Lisitura. Ngat acel kame oudo lubo pwony ka Yesu, kame nyinge Temeseo, oudo tie kuno. Toto me Temeseo oudo obedo Ayudayat koyei Kirisito; do papa mere oudo obedo Ngagurik.

Tice 17:4

Jo mogo kikom gi oko yei kop noni, di kiko donyo but Paulo kede Sila, bala kite kame Jogurik atot kame bin woro Rubanga, karacel kede mon atot kame bin koworo otimo kede.

Tice 20:21

Ango oudo apwonyo Iyudayan karacel kede Jogurik be miero gin kiswilaro i nyim Rubanga, doko di kiko yei Rwot wa Yesu Kirisito.

Tice 21:28

di kilelemo be, “Okwecunu jo me Isirael, konyunu wa! Icuo ni en kame tie pwonyo jo i kabedo dedede pi dagi jo me Isirael, kede Iswilia wa, kede kiton tempulo kan da. Doko medo i wi mano, etieko kelo Jogurik i tempulo, di eko do munao kabedo kacil noni.”

Tice 8:27

Pilipo oko yai di eko ot. Kikano, oudo tie ebwocit moro me Abisinia, kame bin obedo ngatic adwong kame lo kakame kokano iye lim ka Kandese.

Joroma 1:16

Ango lewic likame maka pi ejiri; en ebedo twer kame Rubanga lako kede jo dedede kame tie kede yei, me agege twer me alako but Iyudayan, kede da but Jogurik.

Joroma 10:12

Pien apokapoka likame tie i dier Iyudayan kede Jogurik; Rwot acel nono en Rwot me jo dedede, doko en emio abar mere but jo dedede kame kwae.

Jogalatia 2:3

Do likame oko dino akadi Tito da ngat kame oudo tie upere keda pi kepere, bed bala en oudo ebedo Ngagurik.

Jogalatia 3:28

Likame bobo tie Ngayudaya amoto Ngagurik, likame bobo tie epasoit arabo ngat kogonyere, likame bobo tie icuo arabo dako; pien wun dedede itienu acel i Kirisito Yesu.

Jokolosai 3:11

Pi mano, likame tie doko apokapoka moro i diere me Jogurik kede Iyudayan, jo kame kokepo kede kalikame kokepo, jogero kede wegi asonya, ipasoi kede jo kogonyere; do Kirisito en gi dedede, doko etie i gi dedede.