Yokana 12:2 - Baibuli I Leb Kumam 2013

² Gin kiko iiko ne Yesu cam me otieno, di Marita oko toko; Lasaro da oudo ngat acel kikom jo kame oudo tie kacam kede Yesu.

Yokana 12:2 Iomraidhean Croise

Wer amit 4:16

Yamo abuko me bad tetu malo, cei! Yamo abuko wok ki bad tetu piny, bia! Buki i poto na tetekeny isarakino ngwece akur atie iye. Poore opa na me amara bin i poto mere di eko camo anyakini abeco kalamo atie iye.

Matayo 26:6

Bin di Yesu oudo tie Betania i ot me adobo kame nyinge Simoni,

Marako 14:3

Di bin Yesu oudo tie Betania i ot me adobo kame nyinge Simoni, esawa kame oudo kitie kede cam, dako moro oko bino di emako mo kame wel mere tek adikinicel i cupa kame kolwongo be alabasita. En eko gonyo wi cupa di eko onyo mo nono i wi Yesu.

Luka 12:37

Kitie kede winyo jotic kame ngadwong gi bino dwogo di eko udo gi di kineeno; ateteni awaco ne wu be, en ebino dolo egoe mere etweo i piere di eko mino gi kibedo piny kacam, di eko poko ne gi cam.

Luka 14:12

Di bobo Yesu oko waco ne icuo kame bin olwonge i ode nono be, “Kame iyaro lwongo jo pi cam me iceng arabo me otieno, kur ilwong jowoti arabo imiegu ni, amotoko wade ni, arabo jokio ni kobaro, pien cengemogo gida kibino lunyo lwongi, iepone noni udo gin kitieko culi pi gikame in itimo.

Luka 22:27

Pien ngai kong en kame pire dwong kalamo, ngat kame bedo piny cam arabo ngat kame timo tic me poko cam? Mam ngat kame bedo piny cam? Do ango atie i diere wu kan bala ngatic wu.

Luka 5:29

Di do Lebi oko tedo ne Yesu ebaga adwong adikinicel i ode. Jorar esolo atot kede jo apat da oudo tie kede gi kuno kacam.

Gianyuta 3:20

Nenunu, ango atie cungo i dog ekeko di akukungo; ka ngatamoro owinyo dwana di eko yabo ekeko, ango abino donyo i ode di ako cam kede en, di eda eko cam keda.