Yokana 12:16 - Baibuli I Leb Kumam 2013

¹⁶ Josiao mege bin likame oko niang dwong me gigi i agege; do i kare kame oko yaruno kede Yesu i deyo ka Rubanga, gin kiko yutuno be oudo kowandiko gi nogi be bino timere i kom en, doko da di jo oko timo ne.

Yokana 12:16 Iomraidhean Croise

Marako 16:19

Di do bin Yesu Kirisito otieko yamo kede josiao mege, oko do tere malo di en eko bedo i bad tetu cam ka Rubanga.

Marako 9:32

Do gin likame kiko niang kop mere nono, doko oudo kilworo penye.

Luka 18:34

Do josiao mege likame oko niang gikame en ewaco akadi acel; pien oudo kokano dwong me kope nogi kibut gi, omio gin likame kiko niang gikame en ewaco.

Luka 24:25

En eko waco ne gi be, “Wun tin imingunu benyo, doko cunyu tin nyap benyo pi gal yei kope dedede kame bin inabin otuco!

Luka 24:45

Di en eko yabo wi gi pi mino gi niang iwandik kacil,

Luka 9:45

Do josiao mege likame oko niang kop noni; pien oudo kokano dwong mere kibut gi tetekeny kur kingei; doko da lworo oudo omako gi penyo Yesu kop noni.

Yokana 12:23

Yesu oko dwoko negi be, “Esawa do nan otieko tuno kame koyaro mino kede deyo i kom Wot ka dano.

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 16:4

Do ango atieko waco ne wu gi nogi, tetekeny kame esawa gin otuno, wek iyutununu gikame atieko waco ne wu i kom gi. “Likame oudo awaco ne wu gi nogi cako ki agege, pien oudo ango atie kede wu.

Yokana 17:5

Papa, nan mia deyo i nyimi; epone me deyo kame bin atie kede i nyimi di pwodi likame kocweo piny.

Yokana 2:22

Pi mano, i kare kame koyaruno en kede kikom jo oto, josiao mege oko yutuno be oudo bin ewaco kop noni; kiko yei iwandik kacil kede kop kame oudo bin Yesu owaco.

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 2:33

Pi kite kame kotieko kiarao en kede i bad tetu cam ka Rubanga, kede piento en etieko gamo Tipo Kacil kame bin Papa ocikere pire, en eko nan onyo gikame inenunu kede iwinyunu no.

Tice 2:36

“Pi mano, jo dedede me Isirael poore ngei ateteni be, Yesu noni, kame wun bin igurunu i musalaba, Rubanga otieko mine edoko Rwot kede Kirisito.”

Tice 3:13

Rubanga ka Aburaam, Rubanga ka Isaka, Rubanga ka Yakobo kede Rubanga me joakwari wa bin otieko mino deyo but ngatic mere Yesu, kame wun ikounu mino i cing wegi apugan. Doko ikounu dage i nyim Pilato, do di oudo Pilato mito gonye.

Iburanian 12:2

Ocikunu wang wa i kom Yesu ngat kame obedo acakini me yei wa, doko en ngat kame mie ecato. En bin ekanyakino can me musalaba di lewic likame make pi kilel kame oudo kocibo i nyime, doko nan etie bedo i bad tetu cam me kom me ajakanut ka Rubanga.

Iburanian 8:1

Gikame pire tek i kop kame wan otie waco en ine be, wan otienu kede Ngatel Josaseredoti kame cal kamano, kame tie bedo i bad tetu cam me kom me ajakanut ka Rubanga i malo.