Yokana 12:10 - Baibuli I Leb Kumam 2013

¹⁰ Di do jodongo me josaseredoti oko cako iiko tam me neko Lasaro da,

Yokana 12:10 Iomraidhean Croise

Yai 10:3

Aso, Musa kede Aaron oko ot but Parao di kiko waco ne be, “Rwot, Rubanga me Iburanian owaco be, ‘Ibino tero kare arom kamene di pwodi likame iturere i nyima? Wek jo na yai, tetekeny kioti kiwora.

Ngarab kop 9:3

Mano en gikarac kame timere i piny kan, en ine be, gi acel nono poto i kom jo dedede. Bobo da cuny jo dedede opong kede tim areco kede me poi i kare kame gin kikuo kede; ingei manono di do gin kiko to.

Matayo 12:14

Do Iparisayon oko ot tenge, kiko poro kop me neke.

Matayo 2:16

I kare kame bin Erode oniang kede be jorieko kame bin oyai ki tetu kide oudo ongolo ne rieko, cunye oko wang twatwal, di en eko cwano jo pi neko idwe awobe me mwaka are dok piny i Betelem kede i adulion kame kio kede dedede, di lubere kede kare kame oudo jorieko oniange kede.

Luka 16:31

Do Aburaam oko waco ne be, ‘Ka gin likame kiyei kop ka Musa kede me inabin, likame kibino da yei akadi ka ngatamoro oyaruno kikom jo oto.’ ”

Yokana 11:57

Jodongo me josaseredoti karacel kede Iparisayon oudo otieko ciko jo be, ka ngatamoro ongeo kakame Yesu tie iye, poore eter kop but gi awakawaka, tetekeny kimake.

Yokana 12:11

pien Iyudayan atot oudo tie weko gin pire di kidonyo yei Yesu.

Yokana 12:9

Kakame ekodet adwong me Iyudayan owinyo kede be Yesu oudo tie Betania, gin kiko ot kuno, likame pi neno Yesu kenekene, do pi neno Lasaro da, ngat kame Yesu oudo oyaruno kikom jo oto.