Yokana 12:1 - Baibuli I Leb Kumam 2013

¹ Di oudo odong ceng kanyape tuno i Ebaga me Kalamo, Yesu oko ot Betania kakame oudo Lasaro bedo iye. Lasaro en oudo icuo kame Yesu oyaruno kikom jo oto.

Yokana 12:1 Iomraidhean Croise

Matayo 21:17

Yesu oko yai oweko gi, en eko wok ki bomba eoto Betania, di eko buto kuno.

Marako 11:11

Yesu oko donyo Yerusalem, di eko ot donyo i tempulo eko donyo ngingio jame dedede rimaro. Do kite kame piny oudo oyuto kede, omio en eko ot Betania kede josiao mege tomon kiwie are.

Luka 24:50

Di do en eko telo gi etero gi Betania, eko tingo cinge malo, di eko mino gi winyo.

Luka 7:37

Oudo dako moro tie i bomba nono kame obedo ngadubo. Kakame ewinyo kede be Yesu oudo tie cam i ot me Ngaparisayo nono, eda eko ot kuno kede cupa mere me mo angwe kur.

Yokana 11:1

Oudo bin tie icuo kame nyinge Lasaro, kame bedo Betania, tuwo oko make. Betania oudo obedo bomba kame Maria kede amin mere Marita bedo iye.

Yokana 11:43

Ingei waco kope nogi, en eko redo kede dwane amalo be, “Lasaro, wok ooko.”

Yokana 11:44

Lasaro oko wok ooko di kotweo cinge kede tiene kede egoe kame koyiko kede jo oto, di koboo kiton wange da kede egoe. Yesu oko waco ne gi be, “Gonyenu iwekenu eoti.”

Yokana 11:55

Ceng me camo Ebaga me Kalamo oudo odoko do iyapiyapi, jo atot oudo oyai ki miere ooto Yerusalem pi lonyere di ebaga pwodi likame otuno.

Yokana 12:12

Oru mere, ekodet adwong kame oudo obino i ebaga oko winyo be Yesu oudo tie bino Yerusalem.

Yokana 12:20

Jogurik mogo da oudo tie i kom jo kame oudo ooto Yerusalem pi woro Rubanga i kare me ebaga.

Yokana 12:9

Kakame ekodet adwong me Iyudayan owinyo kede be Yesu oudo tie Betania, gin kiko ot kuno, likame pi neno Yesu kenekene, do pi neno Lasaro da, ngat kame Yesu oudo oyaruno kikom jo oto.