Yokana 11:54 - Baibuli I Leb Kumam 2013

⁵⁴ Pi mano, Yesu likame oko meede ot i kakaler i dier Iyudayan, do en eyai eko ot i adul moro kame bin iyapiyapi kede tim, i bomba kame kolwongo be Epuraimu, kakame en eko bedo iye kede josiao mege.

Yokana 11:54 Iomraidhean Croise

2 Samuel 13:23

Di mwakini are okato, Abisolom oudo oko tedo ebaga me nyaro yer me romini mege i Baal Kasor, kabedo kiyapiyapi kede Epuraimu, di en eko lwongo awobe ka abaka dedede.

2 Iyutun 13:19

Abija oko donyo wapo Yeroboam di eko mane bomban me Betel, Yesana, Epuron, karacel kede calere atie i nget bomban nogo dedede.

Yokana 10:40

Yesu oko bobo ngolo nam me Yorodan tuno kakame bin Yokana ogeo batiso kiye jo, di eko dong bedo kuno.

Yokana 18:20

Yesu oko dwoko ne be, “Ango atieko waco ne piny kop kakaler; doko abedo pwonyo jo i sinagogan kede i tempulo, kakame Iyudayan dedede cokere iye. Likame tie gimoro kame ango awaco i mung.

Yokana 7:1

Ingei man, Yesu oko ririmo Galilaya, likame oudo ekaruno ririmo Yudea pien Iyudayan oudo mito neke.

Yokana 7:10

Do i cen mere di imiegu mege oudo otieko ot i ebaga, Yesu da oko kwalere ooto kuno i mung.

Yokana 7:13

Do likame tie ngatamoro oko yamo kop obe i kome, pien oudo kilworo Iyudayan.

Yokana 7:4

Pien likame tie dano kame timo tice mege i mung ka emito be engere kakaler. Ka itie timo gigi, nyutere wek piny lung ngei.”