Yokana 11:43 - Baibuli I Leb Kumam 2013

⁴³ Ingei waco kope nogi, en eko redo kede dwane amalo be, “Lasaro, wok ooko.”

Yokana 11:43 Iomraidhean Croise

Marako 4:41

Do gin kiko bedo kede lworo kede ur atek, di do kiko donyo penyere ken gi ken gi be, “Man do ngai, kame kiton yamo kede nam da winyo dwane?”

Yokana 11:42

Ango oudo angeo be in nakanaka iwinya, do ango atie yamo man pi jo kame nan tie cungo kan gi, tetekeny gin kiyei be in en kame iora.”

Yokana 11:44

Lasaro oko wok ooko di kotweo cinge kede tiene kede egoe kame koyiko kede jo oto, di koboo kiton wange da kede egoe. Yesu oko waco ne gi be, “Gonyenu iwekenu eoti.”

Yokana 12:1

Di oudo odong ceng kanyape tuno i Ebaga me Kalamo, Yesu oko ot Betania kakame oudo Lasaro bedo iye. Lasaro en oudo icuo kame Yesu oyaruno kikom jo oto.

Yokana 12:9

Kakame ekodet adwong me Iyudayan owinyo kede be Yesu oudo tie Betania, gin kiko ot kuno, likame pi neno Yesu kenekene, do pi neno Lasaro da, ngat kame Yesu oudo oyaruno kikom jo oto.

Tice 3:12

Kakame Petero oneno kede kamano, en eko waco ne jo be, “Jo me Isirael, pinyo komio itienu uro gini, arabo pinyo komio itienu ngino wa ineno bala wan omio icuo ni ooto pi twer wa, arabo be pien wan oworo Rubanga adikinicel?

Tice 3:6

Do Petero oko waco ne be, “Ango ali kede sente siliba arabo saabu kame ayaro mini, do ango ayaro mini gikame atie kede. I nying Yesu Kirisito me Nasaret, yai malo iko cako ot.”

Tice 9:34

Di Petero oko waco ne be, “Aenia, Yesu Kirisito ocangi, aso yai malo ipet kabuto ni.” Cucuto nono di en eko yai malo.

Tice 9:40

Do Petero oko cwano gin dedede ooko, di en eko riondiko piny, di eko lego. Ingei ilega, en eko lokere kakame kom ngat oto oudo tie iye, di eko waco be, “Tabisa, yai malo.” Tabisa oko yabo wange. Kakame eneno kede Petero, en eko yai di eko bedo.