Yokana 11:42 - Baibuli I Leb Kumam 2013

⁴² Ango oudo angeo be in nakanaka iwinya, do ango atie yamo man pi jo kame nan tie cungo kan gi, tetekeny gin kiyei be in en kame iora.”

Yokana 11:42 Iomraidhean Croise

Matayo 26:53

Iparo be ango likame akaruno kwano Papa na di en eko cwano na ikodeta kame kalamo tomon kiwie are me imalaikan oyotoyot?

Yokana 11:22

Do ango angeo be akadi nan da, gimoroni dedede kame in ikwao kibut Rubanga, en ebino mini.”

Yokana 11:31

Iyudayan kame bin tie bedo kede Maria i ot di kidio cunye oko neno Maria oyai malo awakawaka di eko donyo ooko; gida kiko lube di kiparo be oudo etie ot koko i ates.

Yokana 11:43

Ingei waco kope nogi, en eko redo kede dwane amalo be, “Lasaro, wok ooko.”

Yokana 12:11

pien Iyudayan atot oudo tie weko gin pire di kidonyo yei Yesu.

Yokana 12:17

Ekodet me jo kame oudo tie kede Yesu kakame oudo elwongo kede Lasaro ooko ki ates di eko yaruno en kikom jo oto, oko mino ijura i kom gi dedede kame oudo otimere.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 20:31

Do kowandiko magi tetekeny iyeunu be Yesu en Kirisito, Wot ka Rubanga, kede da be wek iudunu kuo i nyinge pi yei kame itienu kede i kome.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 8:16

Do akadi bed bala ango angolo kop, ngolo kop nango tie me ateni, pien udo likame ango kena en kame atie ngolo kop, do ango karacel kede ngat kame oora.

Yokana 8:29

Doko ngat kame oora tie keda; likame eweka kena; pien ango nakanaka atimo gikame yomo cunye.”

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Joroma 8:3

Rubanga otieko timo gikame oudo Iswil likame twero timo, pien kite me kuo me anywali otieko mine edoko goro. En eoro Wode kikokome pi bino i cal me kuo me kom kame opong kede dub, di en eko ngolo kop me raco i wi dub.

Jogalatia 4:4

Do kakame kare oromo kede kiber, Rubanga oko cwano Wode, kame dako onywalo, kame konywalo di eko bedo i loc me Iswil,

Iburanian 5:7

I kare kame oudo ekuo kede kome i piny kan, Yesu olego kede dwan amalo kede pige wange, di ekwao Rubanga ngat kame oudo twero lake ki to. Rubanga oko winye pi mwolere mere bute.

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

1 Yokana 4:14

Wan otiekunu neno, doko omiunu ijura be Papa otieko cwano Wode bala Ngalak me piny.