Yokana 11:4 - Baibuli I Leb Kumam 2013

⁴ Do kakame Yesu owinyo kede kop noni, en eko waco be, “Tuwo no likame obino pi neko Lasaro, do pi kelo deyo kakame Rubanga tie iye, tetekeny mi deyo but Wot ka Rubanga pire.”

Yokana 11:4 Iomraidhean Croise

Yai 16:7

Diki odiko ibinunu neno deyo ka Rwot, piento en etieko winyo ingungur wu i kome. Kara wan obedo alu en kamio ibedunu kede ingungur i kom wa?”

Yokana 10:38

Do ka atimo gi, akadi bed bala idagunu yei ango, yeunu do tice nogo, tetekeny ingeunu di ikounu niang be Papa tie i ango, doko ada atie i en.”

Yokana 11:40

Yesu oko dwoko ne be, “Mam oudo awaco ni be ka iyei ibino neno deyo ka Rubanga?”

Yokana 12:28

Papa, mi deyo bed i nyingi.” Dwan oko winyere di waco ki malo be, “Ango atieko mine deyo, doko abino medo timo kamanono.”

Yokana 17:1

Kakame Yesu otieko waco kede kope gi, en eko tingo wange malo di eko lego be, “Papa, esawa otuno do, mi Wodi deyo, me wek Wodi da mi deyo buti.

Yokana 17:10

Jo nango dedede obedo megin, doko jo nin dedede obedo mega; ango audo deyo pirgin.

Yokana 17:5

Papa, nan mia deyo i nyimi; epone me deyo kame bin atie kede i nyimi di pwodi likame kocweo piny.

Yokana 2:11

Man en gianena mere me agege kame Yesu otimo i Kana kame tie Galilaya, di eko mino deyo mere ongere, di josiao mege oko yei en.

Yokana 5:23

tetekeny jo dedede bed kede wor but Wod bala kite kame kibedo kede wor but Papa. Ngat kalikame tie kede wor but Wod, udo likame etie kede wor but Papa ngat kocwao Wod.

Yokana 8:54

Yesu oko dwoko be, “Ka ango amio deyo i koma kena, deyo na udo kony mere li. Ngat kame miango deyo en Papa na, en nono kame wun iwacunu be Rubanga wu.

Yokana 9:24

Gin kiko lwongo icuo kame oudo bin wange oto nono tien me are, di kiko waco ne be, “Yam kop me ateni i nyim Rubanga, wan ongeo be icuo no obedo ngadubo.”

Yokana 9:3

Yesu oko dwoko be, “Likame pien icuo ni arabo jonywal mege oudo odubo, do etimere kaman tetekeny tice ka Rubanga nyutere i kome.

Joroma 11:11

Ango ako do penyere be, oudo kigete pi poto? Likame kamano! Do pi dub gi omio jo kalikame Iyudayan da oko udo alako, tetekeny nyeko mak jo me Isirael.

Jopilipi 1:11

di kuo wu opong kede anyakini me kuo kopoore, kame wok kibut Yesu Kirisito, pi mino Rubanga deyo kede pi pake.

Jopilipi 1:20

Ki mit kede gen na, likame lewic bino maka atwal, do nataman kede tekcuny adwong koma bino mino Kirisito wor bala lem nakanaka, akadi bed bala akuo amoto ato.

1 Petero 1:21

En emio wu idokunu jo kame geno Rubanga, ngat koyaruno en kikom jo oto, di oko mine deyo tetekeny wun ibedunu kede yei kede gen i kom Rubanga.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

1 Petero 4:14

Ka koronkino wu pi nying Kirisito, udo itienu kede winyo, pien udo Tipo me deyo, kame obedo Tipo ka Rubanga tie kede wu.