Yokana 11:25 - Baibuli I Leb Kumam 2013

²⁵ Do Yesu oko waco ne be, “Ango en iyarun kede kuo, ngat kame yei ango bino kuo akadi di eto;

Yokana 11:25 Iomraidhean Croise

Sabuli 36:9

Pien kuo wok kibuti; lero kame wok kibuti en kame mio wan lero.

Isaya 26:19

Jo wa kotieko to bino kuo bobo! Kom gi bino yaruno. Jo kame buto i apua, yaunu ikounu wero wer me kilel! Bala kame toyo me odiko mio kede lobo kuo anyen, kamanono da Rwot bino dwoko kuo me jo kotieko to sek.

Isaya 38:16

Okwe Rwot, jo kuo kede kope kede tice nin; doko tipo nango da udo kuo i gi nogi. Okwe, canga di iko mina abed kuo!

Luka 23:43

Yesu oko waco ne be, “Ateteni awaco ni be, tin noni iyaro bedo keda i paradis.”

Yokana 1:4

Kuo oudo tie i en, doko kuo nono en kame oudo obedo lero me jo.

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Yokana 3:36

Ngat kame yei Wod tie kede kuo kame bedo nakanaka; ngat kalikame yei Wod likame ebino udo kuo, do lilo ka Rubanga bino poto i kome.”

Yokana 5:21

Pien bala kite kame Papa yaruno kede jo oto di eko mino gi kuo, kamanono da Wod mio kuo but jo kame cunye mito.

Yokana 5:26

Pien bala kite kame Papa kikome en kame kuo wok kibute, kamanono da etieko mino Wod bedo ngat kame kuo wok kibute.

Yokana 6:35

Yesu oko waco ne gi be, “Ango en mugati me kuo; ngat kame bino buta kec likame bino neke, doko ngat kame yei ango orio likame bino neke.

Yokana 6:44

Likame tie ngatamoro kame twero bino buta kwanyo kenekene ka Papa ngat kame oora en okele; doko abino yaruno en i ceng me ajikini.

Tice 3:15

ikounu mino koneko ngat kame mio kuo, kame Rubanga oko yaruno kikom jo oto. Wan en ijurak me kop noni.

Joroma 4:17

bala kame kowandiko be, “Atieko mini idoko papa me atekerin atot.” Komoko cikere noni i nyim Rubanga kame en eyei, ngat kame mio jo oto udo kuo, kede kame mio gikame li bedo tie.

Joroma 8:2

Pien iswil me Tipo, kame mio jo kuo i Kirisito Yesu otieko gonyo wa kiye iswil kame kelo dub kede to.

1 Jokorinti 15:18

Enyuto da be jo oto di kiyei Kirisito otieko rwenyo atwal.

1 Jokorinti 15:29

Aso, dwong kop nyo kame mio jo udo batisimu akaka jo oto? Ka likame kobino yaruno jo oto, pinyo kame mio kobatiso jo akaka gin?

2 Jokorinti 4:14

Pien wan ongeo be, ngat koyaruno Rwot Yesu bino yaruno wada karacel kede Yesu, di eko bino tero wan karacel kede wu i nyime.

Jopilipi 1:23

Kope are gi dia twatwal. Mit nango tie be koto atoi di ako ot bedo kede Kirisito, pien mano ber kalamo.

Jopilipi 3:10

Ango amito ngeno Kirisito kede twer me iyarun mere, di ako nywako kede en can mere, ako doko cal kede en i to mere,

1 Jotesalonika 4:14

Pien bala kame wan oyei kede be Yesu oto di doko eko yaruno, kamanono da pi Yesu, Rubanga bino kelo karacel kede en jo kame onino.

Gianyuta 1:18

Ango ngat kame kuo. Oudo ato, do neni, nataman atie akuo ikar kede ikar. Ango atie kede twer i kom to kede i kom kabedo me jo oto.

Gianyuta 20:5

Jo oto apat likame oko dwogo i kuo tuno di mwakini tutumia acel otiek. Manoni en iyarun me agege.

Gianyuta 21:4

En ebino weno pige wang gi dedede. To bino bedo li, akadi iturur, akadi koko, akadi aramo, pien udo gi me agege otieko kato.”

Gianyuta 22:1

Di malaika nono oko nyuto na ecilet me pi me kuo, kame milimili bala akako, di etie mol wok ki kom me Ajakanut ka Rubanga, kede ki me Katin Romo,

Gianyuta 22:17

Tipo kede Ateran waco be, “Bia.” Jo dedede kame winyo kop noni miero wac be, “Bia.” Ngat kame orio oneko, ebin; wek ngat kame cunye mito, egam pii me kuo abongo cul.