Yokana 11:2 - Baibuli I Leb Kumam 2013

² Maria nono en kame bin oudo owiro Rwot kede mo angwe kur, di eko weweo tiene kede yer me wie; en nono kame omin mere Lasaro oudo tuwo.

Yokana 11:2 Iomraidhean Croise

Marako 14:3

Di bin Yesu oudo tie Betania i ot me adobo kame nyinge Simoni, esawa kame oudo kitie kede cam, dako moro oko bino di emako mo kame wel mere tek adikinicel i cupa kame kolwongo be alabasita. En eko gonyo wi cupa di eko onyo mo nono i wi Yesu.

Luka 7:13

Kakame Rwot oneno kede apuserut nono, kisa oko make i kome di en eko waco ne be, “Kur ikoki.”

Luka 7:19

di eko cwano gi but Rwot pi ot penye be, “Mam in en kame ibedo ngat kame oudo kowaco be oyaro bino, arabo wan omeede daro dano ace?”

Yokana 11:21

Marita oko waco ne Yesu be, “Rwot, koto oudo in itie kan, kom koto omina likame oto.

Yokana 11:3

Amiegu nogo oko cwano kop but Yesu di kiwaco ne be, “Rwot, ngawoti kame imaro tuwo twatwal.”

Yokana 11:32

Di bin Maria otuno kakame Yesu oudo tie iye, eneno Yesu di eko riebere piny i tiene kanono di eko waco ne be, “Rwot, koto oudo ibino kan sek, koto omina likame oto!”

Yokana 12:3

Maria oko kwanyo cupa acel lung me mo kame kolwongo be nardi, kame wel mere tie malo adikinicel, en eko onyo i tien Yesu, di eko donyo weweo kede yer wie. Ngwece me mo nono oko wosun oromo ot dedede.

Yokana 13:13

Wun ilwonganu be Apwony kede be Rwot; ebo, mano tie kakare, pien ango inonono.

Yokana 13:14

Aso, ka do ber ango Rwot kede Apwony wu alwoko tienu, wuda do poore ilwokunu tien jowot wu.