Yokana 11:11 - Baibuli I Leb Kumam 2013

¹¹ Yesu bin owaco kop noni di eko meede kede yamo be, “Ngawot wa Lasaro do otieko nino, do ango ayaro ot cene.”

Yokana 11:11 Iomraidhean Croise

2 Abakai 4:31

Gekasi oko telo anyim di eko ot rino ebela nono i nyim atin awobi ca, do yamo arabo gimoro ace anyuto kuo likame oko timere. Aso, en eko dok cen ot riamo kede Elisa di eko waco ne be, “Atin ca likame ocei.”

2 Iyutun 20:7

In Rwot Rubanga wa, mam bin in iriamo jo kame oudo bedo i lobo noni kakame jo ni me Isirael oudo tie donyo kede iye, di iko mine but ikwae ka Aburaam, en ngawoti, pi bedo mergi me atwal?

Yai 33:11

Iepone nono Rwot oudo yamo kede Musa wang i wang, bala kame dano yamo kede ngawote. Di do Musa bin bobo ko dok kakame jo oudo ogero iye kimere. Do eponga kame oudo konye, Yosua wot ka Nun, oudo dong bedo i yi Eema nono.

Isaya 41:8

“Do wun, jo me Isirael, jotic na, wun en jo kame ango atieko yero, wun ikwae ka Aburaam, adieruna.

Danieri 12:2

Jo atot kikom jo kotieko to bino kuo bobo; mogo bino bedo kede kuo abedo nakanaka, kede mogo bino bedo kede lewic kede acae kame bedo nakanaka.

Matayo 27:52

Atesin da oko yabere, di oko yaruno jokacil atot kame bin oto.

Matayo 9:24

En eko waco ne gi be, “Irwaunu tenge, pien nyako ni likame oto do en enino anina.” Gin kiko nyere.

Marako 5:39

en eko donyo i yi ot di eko penyo jo kame oudo tie kuno be, “Wun itienu icelakin kede koko kitek kaman pinyo? Atin ni likame oto do enino anina.”

Yokana 11:10

Do jo kame tie ot iwor di piny col, kitwomo tien gi, pien udo lero li.”

Yokana 11:12

Josiao mege oko waco ne be, “Rwot, ka enino ebino cei.”

Yokana 11:13

Aso Yesu oudo tie waco kop i kom to ka Lasaro. Lasaro oudo otieko to, do josiao oudo paro be amoto etie yamo nino me wei.

Yokana 11:3

Amiegu nogo oko cwano kop but Yesu di kiwaco ne be, “Rwot, ngawoti kame imaro tuwo twatwal.”

Yokana 3:29

Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.

Tice 7:60

Di do eko riondiko piny, eko yamo kede dwan amalo be, “Rwot, kur imar dub noni i wi gi.” Ingei waco kamano di do eko to.

1 Jokorinti 15:18

Enyuto da be jo oto di kiyei Kirisito otieko rwenyo atwal.

1 Jokorinti 15:34

Miunu wi wu cei di ikounu jiko dubo, pien jo mogo kikom wu likame tie kede ngec i kom Rubanga. Lewic poore mako wu kame awaco kamanoni.

1 Jokorinti 15:51

Winyunu gi me ateni komungere kame amito yamo ne wu. Wan likame obinunu to dedede, do kobino loko wa.

Joepeso 5:14

Pien gi dedede kame doko gikame neeno kakaler obedo lero. En komio kowaco be, “Nganino, cei! Yaruno kikom jo oto, di Kirisito ko bino mini lero.”

Iswilia 31:16

Rwot oko waco ne Musa be, “In iyapuno to, do ingei to nin jo bino weka di kiko donyo woro rubangan mogo apat, rubangan me lobo kame gin kitie ot iye; gin kibino weka di kiko turo isikan kame ango oudo atimo kede gi.

1 Jotesalonika 5:10

en ngat kame oto pirwa, tetekeny akadi di oneenunu amoto oninunu, wek obedunu karacel kede en.

Yakobo 2:23

Man oko mino iwandik kacil ocobere, kame waco be, “Aburaam oyei Rubanga di oko tero be epoore.” Manoni oko mino kolwonge be adieru me Rubanga.