Yokana 10:8 - Baibuli I Leb Kumam 2013

⁸ Jo dedede kame bin ogeo bino nango oudo obedo jokuwo kede joyak; do romini likame oko winyo dwan gi.

Yokana 10:8 Iomraidhean Croise

Yeremia 23:1

Rwot waco be, “Kitie i can jotel kame muducaro jo na kede kame sarakino gi. Gin kical bala jokwat kame tie sarakino kede muducaro romini na!”

Esekeri 34:2

“Wot ka dano, ronkino jokwat me Isirael, gin en jopug mege. Bunano jokwat nogo di iwaco negi be ango Rwot Rubanga atie waco kaman: itienu i can wun jokwat me Isirael. Wun ibedunu pito komu di ikounu weko gwoko romini.

Sepania 3:3

Jotel mege cal bala inguon kame dorano; jongolkop mege cal bala ipeon kame tie dwar wang otieno, kalikame weko cogo moro dong tuno odiko.

Sakaria 11:16

Pien ango nan abino keto ngatel i lobo noni kame tie bala ngakwat kalikame paro pi romini kiyapi to; doko da likame emo romini korwenyo akadi pito akom gi yot. Do akaka manono, en ebino donyo camo ringo me romini kocwe, di ebuturo kiton abelekek gi.

Yokana 10:1

“Ateteni, ateteni awaco ne wu be, ngat kalikame donyo i anok me romini di ebeo ki erute, do eko lokere yito i kakame pat, ngat nono udo obedo ngakuwo, doko en ngayak.

Yokana 10:27

Romini na winyo dwana, ango da angeo gi, doko gida kiluba.

Yokana 10:5

Ka ngat apat, gin likame kiyei lubo, do kiringo tenge kibute, pien likame gin kingeo dwan jo apat.”

Tice 5:36

Pien icuo kame nyinge Teyuda bin owokun i kare okato di emire bala dano moro kame pire dwong, di cuo kame romo bala tol ongwon oko donyo bute; do bin oko neke di jo kame lube dedede oko sarakin, kop gi nono oko jik.