Yokana 10:7 - Baibuli I Leb Kumam 2013

⁷ Yesu bobo oko waco ne gi be, “Ateteni, ateteni awaco ne wu be, ango en erute kame romini donyo kiye.

Yokana 10:7 Iomraidhean Croise

Sabuli 100:3

Ngeunu be Rwot en Rubanga. En kame ecweo wa, doko wan obedunu jo mege; wan obedunu jo mege, romini kame en ekwao.

Sabuli 79:13

Di do wan jo ni, romini kame in itie kwano, oko bino pwoni nakanaka; kare dedede wan obino meede paki.

Sabuli 95:7

Piento en Rubanga wa, wan obedunu jo kame en egwoko, romini kame kuo i cinge. Okwe koto di tin iwinyunu kop mere be,

Isaya 53:6

Wan dedede ocalunu bala romini kame oudo orwenyo, ngat acelacel oudo tie ot tunge kene. Do Rwot oko keto i kome can me dub wan dedede.

Esekeri 34:31

“Wun ibedunu romini na, romini kame ango akwao, doko ango abedo Rubanga wu,” Rwot Rubanga en owaco.

Esekeri 36:38

Di do jo ko bino pong i bomban kame nataman opopoto, bala kame bin Yerusalem opong kede romini kame oudo kopoore yalo i kare me ibagai. Di do gin kiko bino ngeno be ango en Rwot.”

Yokana 10:1

“Ateteni, ateteni awaco ne wu be, ngat kalikame donyo i anok me romini di ebeo ki erute, do eko lokere yito i kakame pat, ngat nono udo obedo ngakuwo, doko en ngayak.

Yokana 10:9

Ango en erute, ka ngatamoro odonyo ki buta ebino udo alako, doko ebino donyo kede wok ooko, di eko udo lum kolot.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Joepeso 2:18

pien i Kirisito, wanunu dedede okarununu tuno but Papa i Tipo acel.