Yokana 10:6 - Baibuli I Leb Kumam 2013

⁶ Yesu oyamo ne gi agole noni, do gin likame kiko niang gikame en oudo etie waco ne gi.

Yokana 10:6 Iomraidhean Croise

Sabuli 106:7

Bin di joakwari wa oudo tie Misiri, gin likame kiko paro pi tice nin me aura; gin likame kiko yutuno amara nin adwong kalikame lokere, do gin kiko lunyo jemo ne Ngamalo Twal i Nam Akwar.

Sabuli 82:5

Gin likame kitie kede ngec akadi niang, kioto i colo; tim me ateni kame mio lobo cungo kiber oyangere.

Agole 28:5

Jo areco likame ngeo gimoro i kom tero jo i yore kapoore, do jo kame lubo kop ka Rwot niang iye odocon.

Isaya 56:11

Gin kical bala igwogin kame tie kede kiru atek; likame tie gikame romo gi. Jokwat nogi likame tie kede niang; gin dedede kitieko lokere lubo yote kame mako gin. Ngat acelacel timo bala kame cunye mito pi bero kame make.

Danieri 12:10

Jo atot kobino lonyo, do jodubo bino meede kede tim gi me dub; likame tie ngadubo moro kame bino niang iye, do jo kame riek bino niang iye.

Matayo 13:34

Magi dedede bin Yesu owaco ne ekodet i agole, ateteni mere likame tie gimoro kame en epwonyo gi abongo tic kede agole.

Matayo 13:51

Yesu oko penyo gi be, “Itiekunu mam do niang gigi dedede?” Gin kiko dwoko ne be, “Ebo, oniang.”

Marako 4:34

En bin emaro waco ne gi kope dedede i agole, do ka oudo edong kene kede josiao mege, en oudo eko donyo niango gi i gi dedede.

Yokana 16:25

“Ango nan atieko waco ne wu gi nogi i agole; do esawa bino tuno kalikame doko ango abino yamo kede wu i agole, do abino yamo ne wu gi dedede i kom Papa kakaler.

Yokana 16:29

Josiao mege oko waco be, “Neni, nan itie do waco gi dedede kakaler, likame i agole moro.

Yokana 6:52

Iyudayan oko donyo piem ken gi ken gi be, “Icuo ni karuno mino wan ocamo ringokome benyo benyo?”

Yokana 6:60

Kakame josiao ka Yesu atot owinyo kede kop mere, gin kiko waco be, “Man kop atek; ngai kame karuno yei lube?”

Yokana 7:36

Pinyo komio en ewaco be, ‘Ibinunu mona do likame ikounu wuda,’ kede be, ‘Kakame ango abino bedo iye, wun likame itwerunu bino iye’?”

Yokana 8:27

Gin oudo likame kiko niang be Yesu oudo owaco ne gi kop kame mako Papa.

Yokana 8:43

Pinyo komio likame itienu niang gikame ango awaco? Etie kamanoni pien wun likame iyeunu kop na.

1 Jokorinti 2:14

Dano kame li kede Tipo ka Rubanga likame twero udo giamia me Tipo ka Rubanga, pien gin kitie gi me mingo kibute, doko likame etwero niang i kom gi, pien dano kame tie kede Tipo ka Rubanga en kame twero poko bero gi.

2 Petero 2:22

Man otimere ne gi bala kame agole me ateni waco kede be, “Ogwok dok nango ngok mere,” kede doko be, “Epege kame kolwoko dok bobo bam i cwoto.”

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.