Yokana 10:5 - Baibuli I Leb Kumam 2013

⁵ Ka ngat apat, gin likame kiyei lubo, do kiringo tenge kibute, pien likame gin kingeo dwan jo apat.”

Yokana 10:5 Iomraidhean Croise

1 Abakai 22:7

Do Yekosapat oko penye be, “Benyo, likame doko tie enabi moro ace kame otwero penyo tam ka Rwot kibute?”

Agole 19:27

Atin na, ka iweko pwonyere, wi bino wil kede gikame ingeo.

Marako 4:24

En eko waco ne gi be, “Ketunu tam wu i kom gikame iwinyunu. Pien epone kame wun ipimunu ne kede jo en kame kobino pimo ne wuda kede, di doko oko medo ne wu kame kalamo da.

Luka 8:18

“Pi mano, ketunu tam wu i kom epone kame iwinyunu kede; pien ngat kame tie kede gimoro, kobino medo ne ace; do ngat kame li kede gimoro, kiton atitidi kame en etie kede da kobino kwanyo kibute.”

Yokana 10:16

Doko atie kede romini ace kame li ki anok noni; miero akel gida, di gin kiko bino winyo dwana. Gin kiko bino bedo romini me anok acel kame tie kede ngakwat acel.

Yokana 10:4

Ka etieko woto romini mege dedede ooko, en eoto i nyim gi, di romini ko lube, pien gin kingeo dwane.

2 Temeseo 4:3

Pien kare tie bino kame jo bino dagi gamo kede pwony aber, do kibino lubo mit gi di kiko coko jopwony kame bino pwonyo gi gikame cuny gi mito.

1 Yokana 2:19

Jo nogo oyai tenge kibut wan, oudo likame gin kibedo jo wa; pien ka koto oudo gin kibedo jo wa, koto oudo kidong but wa. Do yai gi onyuto kakaler be likame tie ngatamoro kikom gi kame obedo dano wa.

1 Yokana 2:21

Ango awandiko man butu, likame pien wun ikwianu ateni, do pien wun ingeunu ateni, doko ingeunu be likame tie angalo moro kame wok ki ateni.

Gianyuta 2:2

Ango angeo tice wu, cane wu, kite kame idiunu kede cunyu, ikanyakin kede epone kalikame wun ikarununu kanyo kede tim me jo areco, do wun itiekunu tamo jo kame lwongere ken gi be joor do di li, di ikounu udo be gin kingalo.