Yokana 10:4 - Baibuli I Leb Kumam 2013

⁴ Ka etieko woto romini mege dedede ooko, en eoto i nyim gi, di romini ko lube, pien gin kingeo dwane.

Yokana 10:4 Iomraidhean Croise

Wer amit 2:8

Atie winyo dwan opa na! Nenunu, etie bino. Etie ringini engolo wi mori, etie kalamo imukuran.

Wer amit 5:2

Ango oudo atie nino do cunya oudo neeno. Ako leko be opa na oudo tie twotwomo ekeko di ewaco be, “Amina, apa na me amara, yab na ekeko, awele na, apa na aber adikinicel. Pien wia odiak kede toyo, yer wia tie cwer pii pi ngico me iwor.”

Matayo 16:24

Yesu oko waco ne josiao mege be, “Ka ngatamoro mito luba, ber kong edagere kene di en eko riongo musalaba mere eko luba.

Yokana 10:16

Doko atie kede romini ace kame li ki anok noni; miero akel gida, di gin kiko bino winyo dwana. Gin kiko bino bedo romini me anok acel kame tie kede ngakwat acel.

Yokana 10:27

Romini na winyo dwana, ango da angeo gi, doko gida kiluba.

Yokana 10:3

ngadar erute yabo ne erute, doko romini winyo dwane. En elwongo romini mege kede nying gi, di eko telo gi wok ooko.

Yokana 10:5

Ka ngat apat, gin likame kiyei lubo, do kiringo tenge kibute, pien likame gin kingeo dwan jo apat.”

Yokana 10:8

Jo dedede kame bin ogeo bino nango oudo obedo jokuwo kede joyak; do romini likame oko winyo dwan gi.

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 13:15

Pien ango atieko mino wu anyut, tetekeny wuda itimunu ne jo apat bala kite kame ango atimo ne wu kede.

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 3:29

Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.

1 Jokorinti 11:1

Lubunu ekite nango, bala kame ango da alubo kede ekite ka Kirisito.

Joepeso 5:1

Pi mano, bala kame wun itienu kede idwe ka Rubanga kame emaro, lubunu ekite mere.

Iswilia 1:30

Rwot Rubanga wu, ngat kame telo wu, en kame bino yi piru bala kame bin etimo ne wu di wun inenunu i Misiri,

Iburanian 12:2

Ocikunu wang wa i kom Yesu ngat kame obedo acakini me yei wa, doko en ngat kame mie ecato. En bin ekanyakino can me musalaba di lewic likame make pi kilel kame oudo kocibo i nyime, doko nan etie bedo i bad tetu cam me kom me ajakanut ka Rubanga.

Iburanian 6:20

kakame Yesu otieko ot iye bala ngat kame otelo ne wa yongayo, di en eko doko Ngatel Josaseredoti me ikar kede ikar, kame lunyo wang Melkisedeki i tic mere me ngasaseredoti.

1 Petero 2:21

Kolwongo wu pi kop noni, pien Kirisito da oneno can piru, di eko weko ne wu anyut me aluba, me wek ilubunu tiene.

1 Petero 4:1

Bala kame Kirisito oneno kede can, wuda bedunu kede tam kame cal kamanono, pien ngat kame kome neno can udo ejiko timo dub,

1 Petero 5:3

Kur ipugunu kirac jo kame koketo i cingu, do bedunu anyut aber me aluba but romini,