Yokana 10:36 - Baibuli I Leb Kumam 2013

³⁶ benyo, itwerunu waco ne ngat kame Rubanga opoko tenge di eko ooro i piny be, ‘In itie cano Rubanga,’ be pien ango awaco be, ‘Ango Wot ka Rubanga?’

Yokana 10:36 Iomraidhean Croise

Sabuli 2:2

Abakai me wi lobo otieko cungo kiteere, jopug mege tie poro kop karacel i kom Rwot kede i kom dano mere kame en eyero, di kiwaco be,

Isaya 42:1

Rwot waco be, “Ngatic na kame ango akonyo ine, en ngat kame ango atieko yero kame cunya yom i kome. Ango atieko keto tipo na i kome; en ebino kelo tim kame poore but atekerin dedede.

Isaya 42:3

En likame ebino turo magada ka ogom arabo neko etala kame liel midumidu. En etie bino kelo tim kopoore.

Isaya 55:4

Nenunu, ango bin akete pi bedo ngatel kede ngapug me atekerin; en oudo ebedo mujura na but gi.

Yeremia 1:5

“Di pwodi oudo likame ango acwei i yi toto ni, oudo ango angei. Doko da di oudo pwodi likame konywali, oudo ango akweri pi timo tic na; oudo ayeri pi bedo enabi but atekerin.”

Matayo 27:43

En oudo eketo gen mere i kom Rubanga, wek Rubanga nan lake, ka cunye mito. Piento en oudo ewaco be, ‘Ango Wot ka Rubanga.’ ”

Matayo 27:54

Bin di ngadwong me isirikalen kede jo apat kame oudo tie karacel kede en pi daro Yesu oneno yangere me piny kede gikame otimere, lworo oko mako gi di kiko waco be, “Ateteni dano ni oudo Wot ka Rubanga.”

Luka 1:35

Di malaika oko dwoko ne be, “Tipo Kacil oyaro bino i komi, di twer ka Ngamalo Twal ko bino umi; pi mano, atin kacil kame koyaro nywalo nono kobino lwonge be Wot ka Rubanga.

Yokana 10:35

Do ka Rubanga olwongo jo kame bin komio kop mere be rubangan (doko di iwandik kacil likame kotwero turo),

Yokana 17:18

Bala kite kame in iora kede bino i piny, kamanono ada aoro gi ot i piny.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 19:7

Iyudayan oko dwoko ne be, “Wan otie kede iswil wa, iswil nono yei be neke, pien emire be en Wot ka Rubanga.”

Yokana 20:28

Tomasi oko dwoko ne be, “In Rwot na kede Rubanga na!”

Yokana 20:31

Do kowandiko magi tetekeny iyeunu be Yesu en Kirisito, Wot ka Rubanga, kede da be wek iudunu kuo i nyinge pi yei kame itienu kede i kome.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Yokana 5:30

“Likame tie gikame atwero timo i akarunikin nango kena. Ango angolo kop bala kame kowaco na kede; ngolo kop nango tie me ateni; pien likame udo ango alubo mit na, do ango alubo mit me ngat kame oora.

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:38

Pien ango abino ki malo, likame pi timo gikame ango amito, do pi timo gikame ngat kame oora mito.

Yokana 6:57

Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Yokana 6:69

doko wan otieko yei di oko ngeno da be in en Ngat Kacil ka Rubanga.”

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

Joroma 1:4

I kom kop kame mako en bedo dano kacil kowok kibut Rubanga, konyute kede twon twer be en Wot ka Rubanga pi yaruno mere ki to.

Joroma 8:3

Rubanga otieko timo gikame oudo Iswil likame twero timo, pien kite me kuo me anywali otieko mine edoko goro. En eoro Wode kikokome pi bino i cal me kuo me kom kame opong kede dub, di en eko ngolo kop me raco i wi dub.

Joroma 9:5

Joakwari me agege me Isirael obedo mergi, doko i kom kop kame mako anywali me kom, Kirisito owok ki ateker gi. Pak bed but Rubanga ngat kame lo jame dedede ikar kede ikar. Amen.

Jogalatia 4:4

Do kakame kare oromo kede kiber, Rubanga oko cwano Wode, kame dako onywalo, kame konywalo di eko bedo i loc me Iswil,