Yokana 10:3 - Baibuli I Leb Kumam 2013

³ ngadar erute yabo ne erute, doko romini winyo dwane. En elwongo romini mege kede nying gi, di eko telo gi wok ooko.

Yokana 10:3 Iomraidhean Croise

Sabuli 80:1

Winy koko wa, Okwe ngakwat me Isirael, in ngat kame itelo ikwae ka Yakobo bala romini. In ngat kame ibedo i kom ni me ajakanut i ngei cerubim,

Yai 33:17

Rwot oko waco ne Musa be, “Ango abino timo bala kame in ikwao, pien ango angei kiber doko ango cunya yom i komi.”

Agole 27:23

Gwok romini kede diegi ni kiber, doko ket cunyi i kom doke ni;

Wer amit 8:13

In itie i poti; jowota tie kuro winyo dwani. Wek awiny dwani.

Isaya 40:11

En ebino gwoko romini mege bala ngakwat; en ebino coko idwe me romini karacel di eko tingo gi i kore; en ebino telo toti gi kede mwolo.

Isaya 42:16

“Abino telo jo na awang gi oto i yongayo kame gin likame kingeo, abino beo kede gi i yote kame gin lem pwodi likame kibeo iye. Ango abino loko colpiny doko lero i nyim gi, kabedere kame gwai abino mino doko pwot. Magonogi en gikame ango abino timo negi, likame abino jalo gi.

Yokana 10:14

Ango en ngakwat aber; ango angeo romini na, doko romini na da ngea,

Yokana 10:16

Doko atie kede romini ace kame li ki anok noni; miero akel gida, di gin kiko bino winyo dwana. Gin kiko bino bedo romini me anok acel kame tie kede ngakwat acel.

Yokana 10:4

Ka etieko woto romini mege dedede ooko, en eoto i nyim gi, di romini ko lube, pien gin kingeo dwane.

Yokana 10:9

Ango en erute, ka ngatamoro odonyo ki buta ebino udo alako, doko ebino donyo kede wok ooko, di eko udo lum kolot.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:45

Kowandiko i itabu me inabin be, ‘Doko Rubanga bino pwonyo gin dedede.’ Ngat acelacel kame winyo kop ka Papa na di eko udo pwonyere kibute, en ebino udo alako.

Joroma 8:30

Jo kame en oudo egeo moko kop gi sek bin en eko lwongo da; jo kame elwongo, en eko da mino gi kidoko jo kopoore; jo kame emio odoko jo kopoore, en eko da mino gi deyo.

1 Jokorinti 16:9

pien ekeko alac otieko yabere na me timo tic kitek, bed bala jo kame genge tie tot.

Jopilipi 4:3

Doko akwao ida ngatic ngawota me ateni, kony mon nogi, pien gin kicane karacel keda i tic me ejiri, karacel kede Kelementi kede jotic jowota apat dedede, gin jo kame nying gi tie i itabu me kuo.

Jokolosai 4:3

Doko legunu ne wada, me wek Rubanga yab ne wa ekeko me pwonyo kop mere, tetekeny otuc mung i kom Kirisito, gikame kotwea i otkol pire,

2 Temeseo 2:19

Do acakini atek kame Rubanga osipo tie cungo, di etie kede iwandik kame waco be, “Rwot ngeo jo mege,” kede be, “Mito ngat acelacel kame lwongo nying Rwot wek tim areco.”

1 Petero 1:12

Oudo konyuto ne gi be likame oudo kitie timo tic pirgi ken gi do piru, di lubere kede gikame nataman jo kame tuco Kop Aber owaco ne wu pi twer me Tipo Kacil kame kocwao ki malo. Gi nogi en gikame imalaikan paro pi neno.

1 Yokana 4:6

Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.

3 Yokana 1:14

Do akaka manono, ango atie kede gen me bino neni awakawaka, di oko bino yamo karacel wang i wang.

Gianyuta 20:15

Ngatamoro kalikame bin koudo be kowandiko nyinge i itabu me kuo, oudo kouce i nam me mac.

Gianyuta 3:20

Nenunu, ango atie cungo i dog ekeko di akukungo; ka ngatamoro owinyo dwana di eko yabo ekeko, ango abino donyo i ode di ako cam kede en, di eda eko cam keda.

Gianyuta 7:17

Pien Katin Romo kame tie i nyim kom me ajakanut bino bedo ngakwat gi, en ebino telo gi etero gi i atan me pii me kuo di Rubanga ko bino weno pige wang gi dedede.”