Yokana 10:28 - Baibuli I Leb Kumam 2013

²⁸ Ango atieko mino gi kuo kame bedo nakanaka, doko likame kibino to. Likame tie ngat kame bino waraso gi ki cinga.

Yokana 10:28 Iomraidhean Croise

Yobu 17:9

Do ngat kopoore meede ameda kede ekite mere, doko da ngat araco moro li i cinge medo doko tek ameda i cunye.

Sabuli 31:5

Ango amio kuo na i cingi; Okwe Rwot, Rubanga kame genere, in itieko laka.

Sabuli 37:28

Pien Rwot maro gi me ateni; en likame ebino weko atatai jo mege kame gene.

Agole 24:16

Pien akadi dano kopoore pot tien kanyaare, en eyai bobo; do dano arac can ka opoto ne, emuducaro en.

Agole 4:18

Do yongayo kame jo kopoore lubo cal bala lero kame bino owal owal, kame meede ameda tuno ceng wok.

Isaya 27:3

Ango Rwot en kame agwoke; abwongo ne pii nakanaka. Adare iwor kede iceng tetekeny kur ngatamoro dub gimoro kiye.

Isaya 45:17

Do jo me Isirael Rwot en kame lako, doko alako kame en elako gi kede bedo nakanaka; gin lewic likame bino mako gi arabo bedo kede atotolun pi kare dedede.’ ”

Isaya 54:17

Likame tie gi me yi moro kame koiko pi suri kame bino cobo timo tic mere, doko in ibino lono kope me pido dedede kame kokelo i komi. Manoni en gikame jotic ka Rwot udo bala mergi; lono kop gin wok ki buta.” Manoni Rwot en owaco.

Isaya 55:3

“Cikunu yitu di ikounu bino buta; winyunu, tetekeny ibedunu kuo. Ango abino timo kede wu isikan kame bedo nakanaka, isikan me amara na kalikame lokere, kede kame genere, kame bin amio Daudi.

Yeremia 23:4

Ango abino keto negi jokwat kame bino gwoko gi di likame bobo kiko bedo kede lworo amoto mielkom; doko da likame tie moro kame bino rwenyo; ango Rwot en awaco.”

Yeremia 31:3

ango ako nyutere but gi ki kakabor. Jo me Isirael, amara nango butu likame lokere; pi mano, ango ameede bedo kede genere butu.

Yeremia 31:34

Likame tie ngatamoro kame bobo bino pwonyo ngat ocelu, arabo kame bino waco ne ngat ocelu be, ‘Ida ngei Rwot,’ pien gin dedede kibino ngena, cako kibut jo me ruom apiny tuno but jo me ruom amalo. Ango abino sasiro gi ki gikareco gi di likame bobo ako yutuno dub gi. Ango Rwot en awaco.”

Yeremia 32:40

Ango abino timo kede gin isikan kame bedo nakanaka, likame abino weko timo bero but gi; abino mino gin kibedo kede cuny me wor buta, tetekeny kur kilokere tenge kibuta.

Marako 13:22

Pien jo kame cuko be gin kibedo Kirisito, kede inabin me angalo oyaro bino. Kiyaro timo gianena kede gi me isuur pi ngalo jo kame Rubanga oyero, ka twerere.

Luka 23:46

Di do Yesu oko koko kede dwan amalo di ewaco be, “Papa, ajalo tipo na i cingi!” Ingei waco kamano, en eko oomo cunye, di do eko to.

Yokana 10:29

Papa na ngat kame omio gi buta pire dwong kalamo jo dedede, doko likame tie ngat kame sobolo waraso gi ki cing Papa.

Yokana 11:25

Do Yesu oko waco ne be, “Ango en iyarun kede kuo, ngat kame yei ango bino kuo akadi di eto;

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 18:9

Man otimere pi cobo kop kame oudo Yesu owaco be, “Likame tie ngatamoro korwenyo kikom jo kame oudo imia.”

Yokana 3:36

Ngat kame yei Wod tie kede kuo kame bedo nakanaka; ngat kalikame yei Wod likame ebino udo kuo, do lilo ka Rubanga bino poto i kome.”

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 5:24

“Ateteni, ateteni awaco ne wu be, ngat kame winyo kop na di eko yei ngat kame oora, etie kede kuo kame bedo nakanaka; likame kobino ngolo ne kop, do etieko yai ki to etuno i kuo

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:47

Ateteni, ateteni awaco ne wu be, ngat kame yei tie kede kuo kame bedo nakanaka.

Yokana 6:68

Simoni Petero oko dwoko ne be, “Rwot, wan bobo otwero ot but ngai? In en kame itie kede kope kame mio kuo kame bedo nakanaka;

Tice 7:59

Kakame oudo kitie didipo en kede, Sitepano oko ilega be, “Rwot Yesu, gam tipo na.”

Joroma 5:17

Ka pi dub me ngat acel, to oko bedo kede loc pi ngat acel nono, do akalamo mano, ateteni jo kame ogamo twon kisa kede giamia me nono kame mio gi kibedo jo kopoore, bino bedo kede kuo kede loc pi dano acel, en Yesu Kirisito.

Joroma 5:2

En etieko mino wa oudo epone me tuno i kisa ka Rubanga kame nan wan otienu iye, di olelunu pi gen wa kame otienu kede me nywako deyo ka Rubanga.

Joroma 5:21

Etie kamano tetekeny bala kame dub obedo kede loc di ebeo ki to, wek kisa da bed kede loc di ebeo ki poore, di eko kelo kuo kame bedo nakanaka pi Rwot wa Yesu Kirisito.

Joroma 5:9

Pi mano, bala kame nan remo mere otieko mino wa odoko kede jo kopoore, akalamo mere, obinunu udo bwot ki lilo ka Rubanga pi en nono.

Joroma 6:23

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

Joroma 8:1

Pi mano, nan do likame kobino ngolo kop i wi jo kame tie i Kirisito Yesu.

Joroma 8:29

Pien Rubanga oudo ogeo moko sek pi loko doko cal kede Wode jo kame en oudo egeo ngeno, tetekeny Wode bed kao kikom imiegu atot.

Iswilia 33:3

Rwot maro jo mege, jo mege tie i cinge. Aso, gin kiriebere i tiene, di kilubo gikame en eciko negi.

Jopilipi 1:6

Doko ango angeo kiber be, ngat kogeo tic aber i diere wu bino mine ecobere i ceng me dwogo ka Yesu Kirisito.

2 Jotesalonika 2:13

Imiegu kede amiegu na kame Rwot maro, wan miero opwoi Rubanga nakanaka piru, pien Rubanga oyero wu cako i agege pi bedo jo kolakere pi lonyere kame Tipo Kacil mio wu, kede pi bedo kede yei i kom kop me ateni.

1 Temeseo 1:16

do Rubanga oko tima kisa tetekeny kibut ango ngat kame adubo kalamo, wek Kirisito Yesu nyut dire mere adwong, pi mino ango bedo anyut ne jo kame bino yei en di kiko udo kuo kame bedo nakanaka.

2 Temeseo 1:12

doko kop noni en komio ango atie neno can kaman. Do ango lewic likame maka, pien ango angeo ngat kame atieko keto gen na i kome, doko ango angeo kiber be en ekaruno gwoko gikame etieko gena kede paka tuno i Ceng nono.

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Yokana 1:2

Konyuto kuo noni di wan oko nene, nataman wan omio ijura i kome, di owaco ne wu kop i kom kuo kame bedo nakanaka kame oudo tie kede Papa di oko nyute but wan.

1 Yokana 2:19

Jo nogo oyai tenge kibut wan, oudo likame gin kibedo jo wa; pien ka koto oudo gin kibedo jo wa, koto oudo kidong but wa. Do yai gi onyuto kakaler be likame tie ngatamoro kikom gi kame obedo dano wa.

1 Yokana 2:25

Gikame en ecikere pi mino wa en kuo kame bedo nakanaka.

1 Yokana 5:11

Caden nono en ine be, Rubanga otieko mino wa kuo kame bedo nakanaka, doko kuo noni tie i Wode.

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Yuda 1:21

Meedenu maro Rubanga; bedunu di idarunu cuny me kisa ka Rwot wa Yesu Kirisito kame mio wu i udunu kuo kame bedo nakanaka.

Yuda 1:24

But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,

1 Samuel 2:9

“En egwoko jo agenere, do jo areco en emio gi kito kakacol; pien dano likame lo kede teko mere kene.