Yokana 10:16 - Baibuli I Leb Kumam 2013

¹⁶ Doko atie kede romini ace kame li ki anok noni; miero akel gida, di gin kiko bino winyo dwana. Gin kiko bino bedo romini me anok acel kame tie kede ngakwat acel.

Yokana 10:16 Iomraidhean Croise

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Sabuli 86:9

Atekerin dedede kame in icweo bino bino i nyimi di kiko wori, Okwe Rwot; gin kibino mini deyo.

Ngarab kop 12:11

Kope me jo ariek cal bala ebela abit kame jokwai romini leko kede romini, doko kope me agole kame kotieko coko bedo pi kare kalac bala sumalin kame koguro kitek. Rubanga, Ngakwat wa acel, en komio kope nogo.

Isaya 11:10

Kare tie bino kame abaka kowok ki ekeko ka Yese bino cungo kede bala imendera ne atekerin apat. Gin kibino penyo tam kibute, di kabedo mere ko bino bedo kede deyo.

Isaya 43:6

Ango abino waco ne jo me bad tetu malo be, ‘Wekunu gi kioti,’ kede ne jo me bad tetu piny be, ‘Kur icerenu kede gi’; wekunu jo na dok paco yai ki lobere aboco.

Isaya 49:6

Rwot oko waco be, “Ngatic na, ango atie mini tic atek. Likame ibino kenekene dwoko bero ne jo me Isirael kame pwodi odong kuo, do ango abino da mini ibedo lero but atekerin, tetekeny in iter alako na i wi lobo lung.”

Isaya 52:10

Rwot otieko nyuto ne atekerin dedede twer mere; doko jo dedede me piny bino neno alako kame Rubanga wa kelo.

Isaya 56:8

Rwot Rubanga ngat kocoko jo me Isirael kame oudo kotero tenge waco be en ebino coko jo apat da emedo i kom gi.

Esekeri 34:12

Bala kame jokwat mo kede romini kosasarun di kiko coko gi, kamanono ada abino mono romini na korwenyo. Ango abino dwoko gi ki kabedere dedede kame oudo kisasarun iye i ceng me colo kede me peko.

Esekeri 34:23

Ango abino mino gi abaka acal bala ngatic na Daudi, di en eko bino donyo gwoko gi; en ebino donyo gwoko gi di eko bedo ngakwat gi.

Esekeri 34:6

Romini na oko sasarun; kibedo rimo piny i wi mori kede imukuran dedede; romini na osasarun i wi lobo dedede abongo ngatamoro kame tie mono gi.

Esekeri 37:22

Abino mino gi kibedo ateker acel i lobo nono, i wi mori me Isirael. Kibino bedo kede abaka acel kame pugo gin dedede. Likame doko kibino bedo atekerin are, doko da likame kibino pokere pi bedo ajakanuto are.

Esekeri 37:24

Abaka acal bala bin ngatic na Daudi en kabino bedo abaka gi; gin dedede kibino bedo tie kede ngakwat acel. Gin kibino donyo lubo iswilia na di kigwoko cik na.

Kosea 1:10

Kare bino tuno kalikame kobino twero maro kede wel me jo Isirael, pien kibino bedo tot bala asinge me dog nam. Nataman kolwongo gi be, “Likame Jo Na”, do i kare me anyim kobino lwongo gi be, “Idwe ka Rubanga Akuo.”

Sakaria 2:11

I kare nono atekerin atot bino bino but Rwot di kiko doko jo mege. En ebino bedo i diere wu di wun ikounu bino ngeno be Rwot me jo yi en kocwaa butu.

Matayo 17:5

Di oudo pwodi etie yamo, edou atar oko umo gi pukupuk, di dwan oko wok ki edou di waco be, “Man en Woda kame amaro, cunya yom i kome; winyenu.”

Luka 15:8

“Arabo dako mene ka etie kede ogap tomon, di ogap acel kikom gi oko rwenyo, likame ecwinyo etala, di eko weno ot di emo kiber tuno kede di eude?

Yokana 10:11

“Ango ngakwat aber, ngakwat aber yei rwenyo kuo mere pi romini mege.

Yokana 10:2

Do ngat kame donyo di ebeo ki erute, udo en ngakwai romini;

Yokana 10:27

Romini na winyo dwana, ango da angeo gi, doko gida kiluba.

Yokana 10:3

ngadar erute yabo ne erute, doko romini winyo dwane. En elwongo romini mege kede nying gi, di eko telo gi wok ooko.

Yokana 10:4

Ka etieko woto romini mege dedede ooko, en eoto i nyim gi, di romini ko lube, pien gin kingeo dwane.

Yokana 10:5

Ka ngat apat, gin likame kiyei lubo, do kiringo tenge kibute, pien likame gin kingeo dwan jo apat.”

Yokana 11:52

do likame pi gin kenekene, do pi coko idwe ka Rubanga kame osarakin obukui pi doko jo acel.

Yokana 17:20

“Ango likame akwao ne gin kenekene, do akwao da ne jo kame bino yei ango pi kope gin.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Tice 15:14

Esimioni otieko tatamo ne wa epone kame Rubanga bin ocako paro kede pi jo kalikame Iyudayan, di en eko yero kikom gi jo kame kolwongo kede nyinge.

Tice 18:10

pien ango atie kedi. Likame tie ngatamoro kame bino suri di eko mini awanon, pien ango atie kede jo na tot i bomba noni.”

Tice 22:14

Anania oko waco na be, ‘Rubanga ka joakwari wa otieko yeri pi ngeno gikame en emito, pi neno Dano Kopoore kede pi winyo kop kame wok ki doge.

Joroma 11:25

Imiegu kede amiegu na, pi mino wu kur itamunu kenu be iriekunu kalamo kite kame itienu kede, ango amito ingeunu gikame omungere noni be, jo mogo me Isirael nan tie kede epali, ebino bedo kamanono tuno di wel me jo kalikame Iyudayan kame bino but Rubanga oromo,

2 Jotesalonika 2:13

Imiegu kede amiegu na kame Rwot maro, wan miero opwoi Rubanga nakanaka piru, pien Rubanga oyero wu cako i agege pi bedo jo kolakere pi lonyere kame Tipo Kacil mio wu, kede pi bedo kede yei i kom kop me ateni.

Iburanian 13:20

Nan ango akwao Rubanga won mulem, ngat kame bin oyaruno Rwot wa Yesu ki to, en etie Ngakwat Adwong me romini pi remo mere kame moko isikan kame bedo nakanaka.

1 Petero 2:10

Bin i kare moro oudo likame ibedunu jokacil, do nan wun jo mege; bin oudo likame kotimo ne wu kisa, do nan kotieko timo ne wu kisa.

1 Petero 2:25

Pien oudo wun iparaonu tenge bala romini, do nan itiekunu dwogo but ngakwat, en ngat kame egwoko cunyu.

1 Petero 5:4

mio kame Ngakwat Adwong obino, ibinunu udo ocoro kalikame dubere me deyo.

Gianyuta 3:20

Nenunu, ango atie cungo i dog ekeko di akukungo; ka ngatamoro owinyo dwana di eko yabo ekeko, ango abino donyo i ode di ako cam kede en, di eda eko cam keda.