Yokana 10:15 - Baibuli I Leb Kumam 2013

¹⁵ bala kite kame Papa ngea kede, doko ada angeo Papa. Ango ayei rwenyo kuo na pi romini.

Yokana 10:15 Iomraidhean Croise

Isaya 53:10

Rwot waco be, “Manono oudo obedo mit nango pi mine awanon di eko neno can; to mere oudo obedo giayala pi dub. En ebino neno ikwae mege, doko ebino bedo kuo pi kare kalac; En ebino mino mit nango cobere.

Isaya 53:8

En oudo komake di oko ngolo ne kop abongo ateni di oko tere tenge, ngai kame oudo paro pi kite kame anyim mere bino bedo kede? En oudo kotieko kwanye tenge ki lobo me jo akuo, komie eneno can pi dub me jo wa.

Danieri 9:26

Ingei ajikini me kare nono kobino neko ngatel kame Rubanga oyero abongo tien kop moro. Di isirikalen me ngapug atie bino ko bino dudubo bomba kede tempulo. Ajikini bino bino bala pii me alele, di ekelo yi. Rubanga omoko be dudubo.

Sakaria 13:7

Rwot me jo yi waco be, “Cei in epima di iko suro ngakwat na kobedo da ngawota! Neke di romini ko sasarun. Ango abino suro jo na

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Luka 10:21

Iesawa nono, Yesu oko lelo i Tipo Kacil di eko waco be, “Apwoyi, Papa, Rwot me malo kede lobo, pien in ikano gigi kibut jorieko kede joaniang, do iko nyuto gi ne idwe atino. Ebo, Papa, manono en epone kame in oudo imito be etimere kede.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 10:11

“Ango ngakwat aber, ngakwat aber yei rwenyo kuo mere pi romini mege.

Yokana 15:13

Likame tie amara kame dano moro tie kede kame dwong kalamo man, kame dano yei jalo kede kuo mere pi jowote.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 6:46

Likame dwong mere be tie ngatamoro kotieko neno Papa, do kwanyo ngat kowok kibut Rubanga en kame otieko neno Papa.

Yokana 8:55

Wun likame ingeunu en, do ango angee. Ka koto oudo awaco be likame angee, koto abedo ngat kame ngalo bala wun. Do ango angee doko alubo kop mere da.

Jogalatia 1:4

Kirisito ojalere pi dub wa, pi lako wa ki kare kanataman me dub noni, di lubere kede mit ka Rubanga wa, en Papa wa.

Jogalatia 3:13

Kirisito olako wa ki ilam kame Iswil kelo, ingei en doko ilam pirwa. Pien kowandiko be, “Ilam mak ngat acelacel kame koliero i kom yat.”

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

1 Petero 2:24

En eyeo dub wa i kome i wi musalaba, tetekeny wan ojikunu dubo di okounu bedo kede kuo kopoore. Itiekunu cango pi aporeso mege.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 2:2

En ebedo giayala kame kwanyo dub wa, do likame dub wan kenekene, do da dub me jo dedede.