Yokana 10:14 - Baibuli I Leb Kumam 2013

¹⁴ Ango en ngakwat aber; ango angeo romini na, doko romini na da ngea,

Yokana 10:14 Iomraidhean Croise

Sabuli 1:6

pien Rwot gwoko jo opoore i yongayo gi, do yongayo kame jo areco lubo tero gi i to.

Isaya 40:11

En ebino gwoko romini mege bala ngakwat; en ebino coko idwe me romini karacel di eko tingo gi i kore; en ebino telo toti gi kede mwolo.

Isaya 53:11

En ebino neno bero kame wok ki lito kame en ebeo iye; ebino ngeno be can kame en eneno likame obedo me nono, di cunye ko bino kwei. Ngatic na kopoore bino mino jo atot doko jo kopoore, en ebino yeno dub gi.

Nakum 1:7

Rwot ber, en etie bala apama me cel atek kame gwoko jo mege i kare me peko; En egwoko jo kame ringo gwokere bute,

Yokana 10:11

“Ango ngakwat aber, ngakwat aber yei rwenyo kuo mere pi romini mege.

Yokana 10:13

En eringo piento en dano kame kopango apanga, doko likame eparo pi romini.

Yokana 10:27

Romini na winyo dwana, ango da angeo gi, doko gida kiluba.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

Joepeso 1:17

Ango akwao be, Rubanga ka Rwot wa Yesu Kirisito, Papa won deyo mi wu Tipo me rieko kede me nyutere ka Rubanga, pi mino wu ngene odocon,

Joepeso 3:19

kede da ingeunu amara ka Kirisito kame kalamo ngec, tetekeny ipongunu kede gi dedede me ekite me kuo ka Rubanga.

Jopilipi 3:8

Ateteni atero be gi dedede kony gi li pi bero kame kalamo, en ngeno Kirisito Yesu Rwot na. Ango akei gi dedede pire, doko atero gi bala yugi, me wek aud Kirisito,

2 Temeseo 1:12

doko kop noni en komio ango atie neno can kaman. Do ango lewic likame maka, pien ango angeo ngat kame atieko keto gen na i kome, doko ango angeo kiber be en ekaruno gwoko gikame etieko gena kede paka tuno i Ceng nono.

2 Temeseo 2:19

Do acakini atek kame Rubanga osipo tie cungo, di etie kede iwandik kame waco be, “Rwot ngeo jo mege,” kede be, “Mito ngat acelacel kame lwongo nying Rwot wek tim areco.”

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Gianyuta 2:13

Ango angeo kakame wun itienu bedo iye, en kakame kom me ajakanut ka Sitani tie iye. Wun imokunu i nyinga, doko likame iwekunu yei ango akadi i kare ka Antipa mujura na, dano na kame genere, kame bin koneko i diere wu, kakame Sitani bedo iye.

Gianyuta 2:19

Ango angeo tice wu, amara wu, yei wu, gikame itimunu pi konyo jo, kede epone kame idiunu kede cunyu kanyakino. Ango angeo be tice wu kame itimunu i cen beco kalamo kame igeunu timo.

Gianyuta 2:2

Ango angeo tice wu, cane wu, kite kame idiunu kede cunyu, ikanyakin kede epone kalikame wun ikarununu kanyo kede tim me jo areco, do wun itiekunu tamo jo kame lwongere ken gi be joor do di li, di ikounu udo be gin kingalo.

Gianyuta 2:9

Ango angeo peko wu, doko angeo be wun ibedunu jocan (do ateteni wun ibarunu). Ango angeo kope areco kame jo kame waco be gin Iyudayan, do di li, yamo i komu; gin kitie jo me sinagoga ka Sitani.

Gianyuta 3:1

“Wandiko but malaika me ekodet me jokirisito kame tie Saradisi be: “Magi en kop me ngat kame tie kede loc i kom tipere kanyaare ka Rubanga, kede kame tie kede acerin kanyaare. Ango angeo tice wu; wun itienu kede nying kame nyuto bala ikuounu, bed bala itounu.

Gianyuta 3:15

Ango angeo tice wu; wun likame ibedunu jo angic amoto aliet. Oudo cunya mito be koto ibedunu jo angic amoto aliet!

Gianyuta 3:8

Ango angeo tice wu. Nenunu, ango atieko yabo ne wu ekeko tie twolo, kalikame tie ngatamoro kame karuno cego. Ango angeo be akadi bed bala itienu kede teko anonok, do wun ibedunu lubo kop na, doko likame ikounu daga.