Yokana 10:11 - Baibuli I Leb Kumam 2013

¹¹ “Ango ngakwat aber, ngakwat aber yei rwenyo kuo mere pi romini mege.

Yokana 10:11 Iomraidhean Croise

2 Samuel 24:17

Kakame Daudi oneno kede malaika kame oudo tie neko jo, en eko waco ne Rwot be, “Ango kena en kame adubo, ango kena en kame atimo gikarac; do jogo kame cal acala bala romini na, gin kitimo nyo? Ango atie kwani be, ango en kame ipoore mina alola kede jo me oda.”

Sabuli 23:1

Rwot en Ngakwat na; likame abino rem kede gimoro.

Sabuli 80:1

Winy koko wa, Okwe ngakwat me Isirael, in ngat kame itelo ikwae ka Yakobo bala romini. In ngat kame ibedo i kom ni me ajakanut i ngei cerubim,

Isaya 40:11

En ebino gwoko romini mege bala ngakwat; en ebino coko idwe me romini karacel di eko tingo gi i kore; en ebino telo toti gi kede mwolo.

Isaya 53:6

Wan dedede ocalunu bala romini kame oudo orwenyo, ngat acelacel oudo tie ot tunge kene. Do Rwot oko keto i kome can me dub wan dedede.

Esekeri 34:2

“Wot ka dano, ronkino jokwat me Isirael, gin en jopug mege. Bunano jokwat nogo di iwaco negi be ango Rwot Rubanga atie waco kaman: itienu i can wun jokwat me Isirael. Wun ibedunu pito komu di ikounu weko gwoko romini.

Esekeri 34:23

Ango abino mino gi abaka acal bala ngatic na Daudi, di en eko bino donyo gwoko gi; en ebino donyo gwoko gi di eko bedo ngakwat gi.

Esekeri 37:24

Abaka acal bala bin ngatic na Daudi en kabino bedo abaka gi; gin dedede kibino bedo tie kede ngakwat acel. Gin kibino donyo lubo iswilia na di kigwoko cik na.

Mika 5:4

Ka ngapug nono obino, en ebino gwoko jo mege bala kame ngakwat gwoko kede romini. En ebino pugo gi kede teko kame Rwot mie, kede angosibib ka Rwot Rubanga mere. Jo mege bino bedo kede anapakin, piento en ebino bedo dano adwong i wi lobo lung.

Sakaria 13:7

Rwot me jo yi waco be, “Cei in epima di iko suro ngakwat na kobedo da ngawota! Neke di romini ko sasarun. Ango abino suro jo na

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Yokana 10:2

Do ngat kame donyo di ebeo ki erute, udo en ngakwai romini;

Yokana 15:13

Likame tie amara kame dano moro tie kede kame dwong kalamo man, kame dano yei jalo kede kuo mere pi jowote.

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

Iburanian 13:20

Nan ango akwao Rubanga won mulem, ngat kame bin oyaruno Rwot wa Yesu ki to, en etie Ngakwat Adwong me romini pi remo mere kame moko isikan kame bedo nakanaka.

1 Petero 5:4

mio kame Ngakwat Adwong obino, ibinunu udo ocoro kalikame dubere me deyo.

1 Yokana 3:16

Epone kame wan ongeo kede amara en ine: Kirisito ojalo kuo mere pirwa. Pi mano, poore wada ojalunu kuo wa pirwa kenwa kenwa.

Gianyuta 7:17

Pien Katin Romo kame tie i nyim kom me ajakanut bino bedo ngakwat gi, en ebino telo gi etero gi i atan me pii me kuo di Rubanga ko bino weno pige wang gi dedede.”