Yokana 10:10 - Baibuli I Leb Kumam 2013

¹⁰ Ngakuwo bino kenekene pi kwalo, neko kede pi dudubo. Do ango abino tetekeny jo ud kuo, kuo kopong.

Yokana 10:10 Iomraidhean Croise

Isaya 56:11

Gin kical bala igwogin kame tie kede kiru atek; likame tie gikame romo gi. Jokwat nogi likame tie kede niang; gin dedede kitieko lokere lubo yote kame mako gin. Ngat acelacel timo bala kame cunye mito pi bero kame make.

Kosea 7:1

“I kare dedede ka ango amito be koto acango jo na me Isirael di ako mino gi bobo kibedo kiber, gikame ango aneno i but gi kenekene en gikareco kame gin kitimo. Gin kiserere ken gi ken gi; kituro ude di kiko kwalo jamini; kiyako jo i yote.

Matayo 18:10

“Miero inenunu be likame icaunu acel kikom jo atino gi, pien awaco ne wu be, imalaikan gin tie nakanaka i nyim Papa na kame tie i malo.

Matayo 18:11

(Pien Wot ka dano obino pi lako jo korwenyo.)

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Matayo 21:13

En eko waco ne gi be, “Kowandiko i iwandik kacil be, ‘Kobino lwongo oda be ot me ilega’; do wun ilokenu edoko kapwono me joyak.”

Matayo 23:13

“Itienu i can wun jopwony me Iswil kede Iparisayon, wun joecuke! Pien wun icegunu ne jo ekeko me Ajakanut me malo. Pien likame idonyunu iye, doko da likame iyeunu ne jo kame mito donyo pi donyo iye.

Marako 11:17

Di do en eko pwonyo gi be, “Mam kowandiko i iwandik kacil be, ‘Kobino lwongo oda be ot me ilega me atekerin dedede?’ Do wun itiekunu loke edoko kapwono me joyak!”

Luka 19:10

Pien Wot ka dano obino pi mono kede pi lako jo korwenyo.”

Yokana 10:1

“Ateteni, ateteni awaco ne wu be, ngat kalikame donyo i anok me romini di ebeo ki erute, do eko lokere yito i kakame pat, ngat nono udo obedo ngakuwo, doko en ngayak.

Yokana 10:11

“Ango ngakwat aber, ngakwat aber yei rwenyo kuo mere pi romini mege.

Yokana 12:47

Ka ngatamoro owinyo kope na di likame eko lubo gi, ango likame angolo ne kop, pien ango likame abino pi ngolo kop ne piny, do pi lako piny.

Yokana 12:6

En eyamo kamano likame piento en oudo eparo pi jocan, do piento en oudo ngakuwo. En oudo bin edaro isau me sente di elwidaro gikame koketo iye.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 5:40

Do di idagunu bino buta tetekeny ibedunu kede kuo kame bedo nakanaka.

Yokana 6:33

Pien mugati ka Rubanga en maca kame wok ki malo di eko mino kuo i piny.”

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Joroma 2:21

aso in ngat kame ipwonyo jo apat, mam ber ipwonyere keni? Ipwonyo jo be kur kikwali, do benyo, mam in ikwali?

1 Temeseo 1:15

Man kop me ateni, kame poore agama di iko yei, be Kirisito Yesu obino i piny pi lako jodubo. Ango en kame abedo ngadubo kalamo gin dedede,

Iburanian 6:17

Iepone nono da, kakame bin Rubanga mito nyuto kede kiber ne jo kame oudo poore udo gikame en ecikere iye be, likame en oudo ebino loko iik mere, omio en eko moko cikere mere kede ikwong,

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

2 Petero 1:11

Manoni bino mino koyabo ne wu odocon yongayo kame donyo i Ajakanut kame bedo nakanaka, en Ajakanut ka Rwot Ngalak wa Yesu Kirisito.