Yokana 10:1 - Baibuli I Leb Kumam 2013

¹ “Ateteni, ateteni awaco ne wu be, ngat kalikame donyo i anok me romini di ebeo ki erute, do eko lokere yito i kakame pat, ngat nono udo obedo ngakuwo, doko en ngayak.

Yokana 10:1 Iomraidhean Croise

Yeremia 14:15

Pi manono, ango atie waco kop i kom inabin nogo, jo kame yamo i nyinga di likame ango acwao gi, di kiwaco ne jo be yi amoto kec likame bino poto i lobo noni, inabin nogo ango abino neko gi kede epima kede kec.

Yeremia 23:21

Rwot waco be, “Ango likame acwao inabin nogi, do gin kiringini aringin butu. Ango likame awaco negi kop moro, do gin pwodi kibino yamo ne wu kop i nyinga.

Yeremia 23:32

Ango Rwot atie waco be, ango likame cunya yom i kom jo kame tatamo ne jo lek me abe, di kiko rwenyo jo na kede kope gi me abe nogo kede ewaka gi, do di udo likame ango acwao gi arabo aciko negi be kioti; pi manono, likame tie bero moro kame gin kitwero timo ne jo.”

Yoweri 2:9

Gin kimwomere i bomba; gin kiringo i wi apama; gin kiyito i ude, kidonyo ki dirisan bala jokuwo.

Matayo 7:15

“Gwokerenu i kom inabin me angalo, kame bino butu di kicuko be kimwol bala romini, do di i ateni kical bala ipeon ager.

Yokana 10:7

Yesu bobo oko waco ne gi be, “Ateteni, ateteni awaco ne wu be, ango en erute kame romini donyo kiye.

Yokana 3:3

Yesu oko dwoko ne be, “Ateteni, ateteni ango awaco ni be, likame tie ngat kame twero neno Ajakanut ka Rubanga, kwanyo ka konywale tien me are.”

Joroma 10:15

Doko jo karuno tatamo kop mere benyo ka likame ooro gi? Bala kame kowandiko be, “Tien jo kame kelo kop aber tin cil benyo!”

Joroma 16:18

Pien epone me jo nogo likame tio ne Rwot wa Kirisito, do kitio pi cobo mit gi. Gin kingalo jo kame tam gi likame tut kede kope gi amit, kame winyo ber.

Tito 1:11

miero geng yamo gi nogo, pien kitie kelo atotolun i miere atot pi pwonyo gi kalikame poore apwonya, kame gin kipwonyo pi mono ud kalikame ber.

Iburanian 5:4

Doko likame tie ngatamoro kame yerere kene pi bedo Ngatel Josaseredoti, do Rubanga en kame lwonge bala bin Aroni.

1 Petero 1:10

Inabin kame bin omurao kop i kom kisa ka Rubanga kame oudo kobino mino wu, omoo di kipepenyo kop i kom alako noni.

2 Petero 2:1

Inabin me angalo da bin oneeno i dier jo, epone nono da en kame jopwony me angalo bino bedo tie kede i diere wu. Gin kibino kelo i mung pwony mogo apat kame rwenyo jo, di kidagi kiton ngadwong gi, ngat kame oculo cul me lako gi. Manoni bino mino gin kikelo i kuo gi awakawaka gikame dudubo gi.

2 Petero 2:3

Pi eranga gi, gin kiyaro kwalo tam wu kede kope me angalo. Kop kame kongolo ne gi cako sek likame omungere, doko gikame bino dudubo gi da tie cuto.

1 Yokana 4:1

Jo na kame amaro, kur iyeunu jo dedede kame waco be kitie kede Tipo ka Rubanga, do tamunu gin dedede pi niang kame tipo kame kitie kede wok kibut Rubanga, pien inabin atot me angalo otieko sarakin i piny.