Yokana 1:51 - Baibuli I Leb Kumam 2013

⁵¹ Yesu oko waco ne be, “Ateteni, ateteni awaco ni be, ibino neno malo di oyabere, kede imalaikan ka Rubanga di tie ot malo kede di kitie bino piny i kom Wot ka dano.”

Yokana 1:51 Iomraidhean Croise

Ageini 28:12

En eko leko be oudo tie madala kame kosipo i wi lobo, kame wie oudo tuno malo, di imalaikan ka Rubanga oudo tie dere kiyito kede malo kede di kiwok kede piny.

Esekeri 1:1

I buto duwe kany me duwe me ongwon i mwaka me ot adek, di oudo ango atie kede jo koudo tie obukui bala mabus, i nget ecilet me Kebar, malo oko yabere, di ango ako neno gianyuta ka Rubanga.

Sakaria 13:7

Rwot me jo yi waco be, “Cei in epima di iko suro ngakwat na kobedo da ngawota! Neke di romini ko sasarun. Ango abino suro jo na

Matayo 25:31

“I kare kame Wot ka dano bino dwogo kede di etie i deyo mere karacel kede imalaikan dedede, en ebino bedo i kom mere me deyo.

Matayo 26:24

Wot ka dano bino to bala kame iwandik kacil waco, do ngat kame bino rupao Wot ka dano bino neno can tin benyo! Tikatika koto oudo likame konywale da.”

Matayo 3:16

Ingei batiso Yesu, en eko wok ki dud pii, cucuto di malo oko yabere ne, di eko neno Tipo ka Rubanga di bino oko poto i kome bala awele.

Matayo 4:11

Di Sitani oko weko Yesu, di do imalaikan oko bino konye.

Matayo 8:20

Yesu oko waco ne be, “Ekwee tie kede bur me buto, kede winy da tie kede ude gi, do Wot ka dano likame tie kede kakame epielo iye wie.”

Matayo 9:6

Do abino mino wu ngeno be Wot ka dano tie kede akarunikin me sasiro jo ki dub gi di en etie i wi lobo kan.” En eko waco ne icuo kame tuwo oudo oneko kome lung nono be, “Yai malo, kwany gibuto ni di iko ot paco.”

Marako 1:10

Cucuto di Yesu owok ki dud pii, en eko neno malo di oyabere, di Tipo Kacil oko bino i kome bala awele.

Marako 14:62

Yesu oko dwoko be, “Ango inononi, doko ibinunu neno Wot ka dano di tie bedo i bad tetu cam me twer ka Rubanga, di etie bino kede idoun me i malo.”

Luka 2:13

Cucuto nono di ekodet kame oyai ki malo oko neeno karacel kede malaika nono, kiko donyo pako Rubanga di kiwaco be,

Luka 2:9

Malaika ka Rwot oko neeno but gi, di deyo ka Rwot oko rieny oluko gi, lworo oko mako gi.

Luka 22:43

(Malaika oko wok ki malo, di oko neeno bute, di oko dino cunye.

Luka 22:69

Do cako nan, Wot ka dano bino bedo i bad tetu cam me twer ka Rubanga.”

Luka 24:4

Kakame pwodi oudo wi gi ocungo kede pi gikame oudo otimere, cuo are oko cungo i nget gi di kingapo igoen atar liamaliam.

Luka 3:21

Di do Yokana oudo otieko batiso jo dedede, oko batiso Yesu da. Kakame oudo Yesu tie kede ilega, malo oko yabere,

Yokana 1:50

Yesu oko dwoko ne be, “Mam in iyei pi kop kame ango awaco ni be ango oudo aneni di itie i dud yat epigi? Ibino neno gi adongodongo kalamo magi.”

Yokana 10:1

“Ateteni, ateteni awaco ne wu be, ngat kalikame donyo i anok me romini di ebeo ki erute, do eko lokere yito i kakame pat, ngat nono udo obedo ngakuwo, doko en ngayak.

Yokana 10:7

Yesu bobo oko waco ne gi be, “Ateteni, ateteni awaco ne wu be, ango en erute kame romini donyo kiye.

Yokana 13:16

Ateteni, ateteni awaco ne wu be, likame tie ngatic moro kame pire dwong kalamo ngadwong mere, arabo ngaor kame pire dwong kalamo ngat oore.

Yokana 13:38

Yesu oko penye be, “In ibino jalo kuo ni pira? Ateteni, ateteni awaco ni be, di pwodi likame tongweno okok, udo in itieko daga tien adek.”

Yokana 14:12

“Ateteni, ateteni awaco ne wu be, ngat kame yei ango ebino eda timo tice kame ango atimo; doko en ebino timo tice kame dongodongo kalamo mago, piento ango ayaro ot but Papa na.

Yokana 16:20

Ateteni, awaco ne wu be, ibinunu koko kede iturur, do piny bino lelo; ibinunu bedo kede cwercuny, do cwercunyu bino lokere doko kilel.

Yokana 16:23

“Kame ceng nono otuno, likame ibinunu penya gimoro. Ateteni awaco ne wu be, ka ikwaunu gimoroni kibut Papa i nyinga, en ebino mino wu.

Yokana 21:18

Ateteni, ateteni awaco ni be, di oudo bin pwodi in atin awobi, oudo in itweo rakoba nin keni di iko ot kakame in imito. Do ka iti, ibino rieno badi malo di ngat apat en kame ko tweno ni rakoba, di en eko teri kakame likame in oudo imito ot iye.”

Yokana 3:3

Yesu oko dwoko ne be, “Ateteni, ateteni ango awaco ni be, likame tie ngat kame twero neno Ajakanut ka Rubanga, kwanyo ka konywale tien me are.”

Yokana 3:5

Yesu oko dwoko be, “Ateteni, ateteni awaco ni be, likame tie ngat kame twero donyo i Ajakanut ka Rubanga kwanyo di konywale nywal me pii kede me Tipo Kacil.

Yokana 5:19

Yesu oko waco ne gi be, “Ateteni, ateteni ango awaco ne wu be, Wod likame timo gimoro kede mit mere kene, do etimo gikame eneno di Papa mere timo kenekene; pien gikame Papa timo dedede, etimo tetekeny Wode da tim kamanono.

Yokana 5:27

Doko etieko mino Wod akarunikin me ngolo ne jo kop, piento en ebedo Wot ka dano.

Yokana 6:26

Yesu oko dwoko ne gi be, “Ateteni, ateteni awaco ne wu be, wun likame itienu mona pien inenunu gianena, do pien icamunu mugati ikounu yeng.

Yokana 6:32

Yesu di do oko waco ne gi be, “Ateteni, ateteni awaco ne wu be, likame Musa en kame bin omio wu mugati kame owok ki malo; Papa na en kame bin omio wu mugati me ateni kame owok ki malo.

Yokana 6:47

Ateteni, ateteni awaco ne wu be, ngat kame yei tie kede kuo kame bedo nakanaka.

Yokana 6:53

Yesu oko waco ne gi be, “Ateteni, ateteni awaco ne wu be, ka likame icamo ringokom Wot ka dano kede imato remo mere, likame ibino bedo kuo.

Yokana 8:34

Yesu oko dwoko ne gi be, “Ateteni, ateteni awaco ne wu be, ngat acelacel kame dubo, en edoko epasoit me dub.

Yokana 8:51

Ateteni, ateteni awaco ne wu be, ngat kame yei kop na likame ebino bilo to atwal.”

Yokana 8:58

Yesu oko waco ne gi be, “Ateteni, ateteni awaco ne wu be, di pwodi Aburaam oudo li, ango oudo atie.”

Tice 10:11

eneno malo di oyabere, di gimoro tie bino piny kame cal bala esuka alac kame komako lake ongwon di kotie yololo en piny.

Tice 7:56

En eko waco be, “Nenunu, ango atie neno malo di oyabere, di Wot ka dano tie cungo i bad tetu cam ka Rubanga.”

2 Jotesalonika 1:7

kede pi mino wu wei karacel kede wan, wun jo kame nan kotie mino wu neno can. En ebino timo man i kare kame Rwot Yesu bino neeno kede di ewok ki malo karacel kede imalaikan mege wegi twer.

2 Jotesalonika 1:9

Gin kibino neno can me alola me to me nakanaka, di koriamo gi tenge ki nyim Rwot kede ki deyo me twer mere.

1 Temeseo 3:16

Ateteni mung me edini wa dwong twatwal: Konyute i cal me kom dano, Tipo oko nyuto be en etimo gikame opoore, imalaikan oko nene. Kotuco kop i kome i dier jo kalikame Iyudayan, piny lung oko yei en, di oko tere malo kede deyo.

Iburanian 1:14

Mam imalaikan obedo tipere kame timo tic ka Rubanga, kame en eoro pi timo tic me konyo jo kame bino udo alako?

Yuda 1:14

Enoka, ngat kame obedo akwar me kanyaare cako kibut Adamu, oko mino ikwenyar di ewaco be, “Nenunu, Rwot tie bino kede imalaikan mege kacil tutumian kede tutumian,

Gianyuta 19:11

Di ako neno malo oyabere, ako neno asigira atar di tie iye. Ngat kame oudo tie wanano asigira nono oudo kolwongo be Egenere, kede Ateni; en engolo kop doko eyi i yore kopoore.

Gianyuta 4:1

Di man otieko timere, ako neno ekeko koyabere i malo. Di dwan me agege kame oudo ageo winyo di yamo keda bala koko me agwara oko waco na be, “Bia malo kan di ako bino nyuto ni gikame miero timere ingei man.”