Yokana 1:45 - Baibuli I Leb Kumam 2013

⁴⁵ Pilipo oko udo Natanael di eko waco ne be, “Wan otieko udo ngat kame bin Musa owandiko kop i kome i itabu me Iswil, kede kame inabin da owandiko kop i kome, en Yesu me Nasaret, wot ka Yosepu.”

Yokana 1:45 Iomraidhean Croise

Ageini 22:18

Atekerin dedede me lobo kobino mino winyo pi ikwae nin, pien in ilubo kop na.’ ”

Ageini 3:15

Abino mino ading bedo tie i diere nin kede dako, kede i diere me ikwae nin kede mege; gin kibino nyonyoto wii, ida ibino totongo atitinyo gi.”

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Isaya 4:2

Kare tie bino kame Rwot bino mino kede yen kede giapita atie i lobo mere dongo libaliba di kicil. Jo me Isirael kame bino dong kuo bino bedo tie kede yomcuny kede ewaka pi kodere kame lobo gi ceko.

Isaya 53:2

Oudo ebedo mit ka Rwot pi ngatic mere dongo i nyime bala yat kame pwodi dongo adonga, kede bala alias kame wok kakotuo. En oudo erarac doko eli kede ruom kame koto mi wa opar pi nene, likame tie gimoro kame oudo romo wano tam wa i kome.

Isaya 7:14

Do Rwot pwodi bino mini gianena; tie nyako oyac kame bino nywalo atin awobi di eko cako nyinge Emanuel.

Isaya 9:6

Konywalo ne wa atin, komio wa atin awobi! En ebino bedo ngapug wa! Kobino lwonge be, “Ngamini tam me Aura, Rubanga Won Twer, Papa kame bedo Nakanaka, Ngapug akelo Mulem.”

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Sakaria 6:12

Wac ne be Rwot me jo yi owaco be, ‘Icuo kame kolwongo be Ajange bino janyo i kakame etie iye di eko temuno gero tempulo ka Rwot.

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Matayo 10:3

Pilipo kede Batulumayo, Tomasi kede Matayo ngarar esolo, Yakobo wot ka Alipayo, kede Tadeo.

Matayo 13:55

Mam wot ka ngapac ine? Mam nying toto mere Maria? Imiegu mege en Yakobo, Yosepu, Simoni kede Yuda.

Matayo 2:23

En eko ot bedo i bomba kame kolwongo be Nasaret, tetekeny kop kame bin enabi owaco cobere kakare be, “Kobino lwonge be dano me Nasaret.”

Matayo 21:11

Ekodet kame oudo upere kede Yesu oko dwoko be, “Man en Yesu enabi kame owok ki bomba me Nasaret, i adul me Galilaya.”

Marako 14:67

Kakame eneno kede Petero di tie yono mac, en eko ngine kitek di eko waco be, “Kom ida oudo itie kede Yesu me Nasaret.”

Marako 6:3

En mam ebedo ngapac, wot ka Maria, kede omin me Yakobo, Jose, Yuda kede Simoni? Mam amiegu mege da tie kede wa kan?” Di do cuny gi oko dage.

Luka 18:37

Gin kiko waco ne be, “Yesu me Nasaret en ino kame tie beo no.”

Luka 2:4

Yosepu da oko yai ki bomba me Nasaret kame tie i piny me Galilaya, en eko ot i Bomba ka Daudi kame kolwongo be Betelem, kame tie i piny me Yudea, en kakame oudo bin konywalo iye Abaka Daudi. En bin eoto kuno pien oudo eda ebedo akwar Daudi.

Luka 2:48

Kakame jonywal mege onene kede, kiko uro adikinicel. Di toto mere oko waco ne be, “Woda, itimo wa kamano pinyo? Neningo, ango kede papa ni otie moni kede par atek.”

Luka 24:27

Di Yesu oko cako gonyo ne gi kop dedede kame bin oudo koyamo i kome i iwandik kacil dedede, cako ki itabun ka Musa tuno kede i iwandik me inabin.

Luka 24:44

Di do en eko waco ne gi be, “Magi en kope nango kame bin awaco ne wu i kare kame oudo pwodi atie kede wu be, gi dedede kame kowandiko i koma i itabu ka Musa kede me inabin kede i Sabuli miero cobere kakare.”

Luka 3:23

I kare kame Yesu ocako kede tic mere, oudo mwakini me dongo mere romo bala ot adek. En oudo ebedo wot ka Yosepu (bala kite kame oudo kotero kede), kame oudo obedo wot ka Keli,

Luka 4:22

Jo dedede oko donyo yamo kop aber i kome, di kiuro twatwal kope me kisa kame oudo wok ki doge; di kiko donyo penyere be, “Mam wot ka Yosepu ine?”

Yokana 1:44

Pilipo oudo obedo dano me Betesaida, bomba kame Anderia kede Petero oudo bedo iye.

Yokana 12:21

Gin kiko ot but Pilipo ngat kame oudo owok ki Betesaida, kame tie Galilaya, di kiko waco ne be, “Adwong, wan omito neno Yesu.”

Yokana 14:8

Pilipo oko waco ne be, “Rwot, nyut ne wa Papa, gikame wan omito inonono erume.”

Yokana 18:5

Gin kiko dwoko ne be, “Yesu me Nasaret.” Yesu oko waco ne gi be, “Ango inononi.” Yuda, ngat kame oudo orupao en, oudo tie cungo kede gi.

Yokana 18:7

Yesu oko bobo penyo gi be, “Kara ber wun imounu ngai?” Gin kiko dwoko be, “Yesu me Nasaret.”

Yokana 19:19

Di Pilato oko wandiko kop di eko keto i wi musalaba kame somere be, “Yesu me Nasaret, Abaka me Iyudayan.”

Yokana 21:2

Simoni Petero, Tomasi kame kolwongo be Bangi, Natanael me Kana i Galilaya, awobe ka Sebedayo, kede josiao mege are apat oudo tie karacel.

Yokana 6:42

Gin kiko waco be, “Mam icuo noni en Yesu wot ka Yosepu? Wan ongeo papa mere kede toto mere da. Benyo benyo doko komio en nan ewaco be, ‘Ango ayai ki malo abino piny?’ ”

Yokana 6:5

Kakame Yesu otingo kede wange malo, en eko neno ekodet me jo di kitie bino bute, di eko waco ne Pilipo be, “Obino wilo mugati kituai, tetekeny omi jogi cami?”

Yokana 6:7

Pilipo oko dwoko ne be, “Denari tol are likame twero wilo mugati kame romo gi di ngat acelacel kikom gi ko twero udo atitidi moro.”

Tice 10:38

epone kame Rubanga bin oyero kede Yesu me Nasaret, di eko mine Tipo Kacil kede twer, kede da epone kame en eko ririmo kede piny di etimo bero ne jo, doko da di ecango jo dedede kame bin Sitani otweo, pien Rubanga oudo tie kede en.

Tice 2:22

“Wun jo me Isirael, winyunu kope gi: Yesu me Nasaret en icuo kame Rubanga bin oyero, di eko nyuto ne wu i tice me twer, kede i gi me isuur, kede i gianena kame Rubanga bin otimo kibute i diere wu, bala kite kame wuda ingeunu kede.

Tice 22:8

Ango ako dwoko ne be, ‘In ngai, Rwot?’ En eko waco na be, ‘Ango en Yesu me Nasaret kame in itie tidilo.’

Tice 26:9

“Ango da kikoma oudo ayei kiber be miero atim gi dedede pi yi pi gengo nying Yesu me Nasaret.

Tice 3:6

Do Petero oko waco ne be, “Ango ali kede sente siliba arabo saabu kame ayaro mini, do ango ayaro mini gikame atie kede. I nying Yesu Kirisito me Nasaret, yai malo iko cako ot.”