Yokana 1:4 - Baibuli I Leb Kumam 2013

⁴ Kuo oudo tie i en, doko kuo nono en kame oudo obedo lero me jo.

Yokana 1:4 Iomraidhean Croise

Sabuli 49:6

gin jo kame geno abar gi, di kiwakere pi twon abar kame kipong kede?

Sabuli 84:11

Pien Rwot Rubanga tie bala ceng kede ebuku wa; en etimo ne wa bero doko emio wa deyo. Likame tie gimoro aber kame Rwot twono jo kame timo gi kopoore.

Isaya 42:16

“Abino telo jo na awang gi oto i yongayo kame gin likame kingeo, abino beo kede gi i yote kame gin lem pwodi likame kibeo iye. Ango abino loko colpiny doko lero i nyim gi, kabedere kame gwai abino mino doko pwot. Magonogi en gikame ango abino timo negi, likame abino jalo gi.

Malaki 4:2

Do pi wun jo kame wora, twer me alako na bino rieny i komu bala ceng, di ebino kede cango bala asara me ceng. Ibinunu sosomo pi yomcuny bala roce kame kogonyo ki awi.

Matayo 4:16

Jo kame oudo bin bedo i colo oneno lero adwong, doko jo kame bin bedo i piny acol me to, lero otieko tuno ne gi.”

Luka 2:32

en lero kame nyuto mit nin but jo kalikame Iyudayan, kede kame kelo deyo but jo ni me Isirael.”

Yokana 11:25

Do Yesu oko waco ne be, “Ango en iyarun kede kuo, ngat kame yei ango bino kuo akadi di eto;

Yokana 12:35

Kikano Yesu oko waco negi be, “Lero pwodi tie kede wu pi kare moro acecek, miero iotunu di pwodi lero tie kede wu, tetekeny kur colo nguk wu; pien dano kame tie ot i colo likame ngeo kakame etie ot iye.

Yokana 12:46

Ango abino i piny bala lero, tetekeny ngat kame yei ango kur dong di etie i colo.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 3:19

Ngolo kop en ine be, lero otieko bino i piny, do jo oko maro colo akaka lero, pien tice gi oudo reco.

Yokana 5:21

Pien bala kite kame Papa yaruno kede jo oto di eko mino gi kuo, kamanono da Wod mio kuo but jo kame cunye mito.

Yokana 5:26

Pien bala kite kame Papa kikome en kame kuo wok kibute, kamanono da etieko mino Wod bedo ngat kame kuo wok kibute.

Yokana 8:12

Yesu bobo oko waco ne gi be, “Ango en lero me piny; ngat kame luba likame bino ot di etie i colo, do ebino bedo kede lero me kuo.”

Yokana 9:5

Kame ango pwodi atie i piny, udo ango abedo lero me piny.”

Tice 26:23

Gin oudo kiwaco be Kirisito miero bei i can, kede be, kite kame en ebedo kede dano me agege me yaruno kikom jo oto, ebino pwonyo kop me lero ne Iyudayan kede ne jo kalikame Iyudayan.”

1 Jokorinti 15:45

En komio kowandiko be, “Adamu, dano me agege, odoko gikame kuo”; do Adamu me ajikini oko doko Tipo kame mio kuo.

Joepeso 5:14

Pien gi dedede kame doko gikame neeno kakaler obedo lero. En komio kowaco be, “Nganino, cei! Yaruno kikom jo oto, di Kirisito ko bino mini lero.”

Jokolosai 3:4

Ka Kirisito ngat kame obedo kuo wu bino neeno, wuda ibinunu neeno karacel kede en i deyo.

1 Yokana 1:1

Wan otie tuco ne wu gikame oudo tie cako ki agege, gikame wan owinyo, gikame wan oneno kede wang wa; wan kom onene doko omule kede cing wa, en Kop me kuo.

1 Yokana 1:2

Konyuto kuo noni di wan oko nene, nataman wan omio ijura i kome, di owaco ne wu kop i kom kuo kame bedo nakanaka kame oudo tie kede Papa di oko nyute but wan.

1 Yokana 5:11

Caden nono en ine be, Rubanga otieko mino wa kuo kame bedo nakanaka, doko kuo noni tie i Wode.

Gianyuta 22:1

Di malaika nono oko nyuto na ecilet me pi me kuo, kame milimili bala akako, di etie mol wok ki kom me Ajakanut ka Rubanga, kede ki me Katin Romo,

Gianyuta 22:16

“Ango Yesu, acwao malaika na buti kede kope nogi pi mino but ikodeta me jokirisito. Ango en alias ka Daudi kede akware, acer arieny me odiko.”